Дэлхийн гайхамшгуудын нэг Энэтхэгийн Таж Махалын ойр орчмыг жуулчид ихээр бохирдуулж байгаа гэнэ. Үүнтэй холбогдуулан Улсын үндэсний өвийг хамгаалах байгууллага болон Агра хотын аялал жуулчлалын газар Таж Махал руу орж буй жуулчдад углааш өмсүүлэх тухай хэлэлцэх аж.

Албаны хүн хэлэхдээ “Таж Махал бол ариун газар. Жуулчид муу энергитэй газарт гишгэж явсан гуталтайгаа орох юм. Бидний олон жилийн ажиглалтаар Таж Махалын орчмын газар өнгөө алдаж байна” гэв. Харин аялал жуулчлалын компаниуд углааш өмсүүлэхийг эсэргүүцэж байгаа аж.

Учир нь ингэснээр жуулчдын тоо тодорхой хэмжээгээр буурах гэнэ. “Индиа тур” компанийн хөтөч Саржа Аль Хамид “Удирдах байгууллага ийм утгагүй шийдвэр гаргахгүй гэдэгт итгэлтэй байна” гэжээ.

http://www.niigmiintoli.mn/