Арабын нэгдсэн Эмиратад 5.52 километр урт алтан гинж урласан бөгөөд тэр нь Гиннесийн дээд амжилт хэмээн бүртгэгдэх нь. Гинжний жин 256 килограмм, ойролцоогоор зургаан сая ам.долларын үнэтэй гэнэ. Ийм гинж бүтээхээр 100 хүн 45 хоногийн турш ажиллажээ.

Дубай хотын хуучин хэсэгт байрлах Алтны захын ойролцоо уг гинжийг үзэж болох бөгөөд хожимоо хэсэгчлэн борлуулах аж. Худалдан авагчдад таван километр гинжний нэгээхэн хэсэг гэсэн баримт өгнө. Харин тасдсан хэсгийн үнэ ойролцоогоор 3000 дирхам. Гэхдээ тухайн өдрийн алтны ханшнаас үнэ хамаарах аж.

1999 онд Эмиратад 4.28 километр урт алтан гинж бүтээж байжээ. 

Эх сурвалж:“Lenta.Ru”