Хатиг нь үсний хүүдийн идээт үрэвсэл юм.

Чихрийн шижин зэрэг архаг эмгэг хуучтай эсвэл биеийн эсэргүүцэл суларсан тохиолдолд өвчилдөг. Хатиг нь биеийн үетэй хэсэг болон хувцсанд илүүтэй үрэгддэг хэсэгт их гардаг. Хатиг үүсдэг шалтгаан нь тун энгийн. Нүүр, хүзүүний арьсны гэмтэл энэ нь батга шахах, хутгаар гэмтээх, маажих, зулгалах гэх мэт хүчин зүйлээс болдог.

Эрүүл ахуй, ариун цэврийн дэглэм алдагдсанаас мөн өвчилнө. Мөн,
- Хэт даарах,
- Агаарын бохирдол,
- Хөдөлгөөний хомсдол,
- Чихрийн шижин, ходоодны өвчин, цус багадалт,
- Дархлаа сулрах,
- Даарах юм уу халууцах,
- Ядаргаа зэрэг нь нөлөөлнө.

Хэрвээ танд хатиг гарсан бол яах хэрэгтэй вэ?
Монголчуудын ихэнх нь гэрийн нөхцөлд эмчлэх гэж оролддог. Шархны лент наах, шахах, нойтон бигнүүр тавих, "гурилын гол" наах зэрэг. Эдгээр нь хатигийн эмчилгээ биш харин ч энэ өвчнөөр хүндрэхэд хүргэдэг. Танд гэж зөвлөхөд гэртээ янз бүрийн хэн нэгний хэлсэн амжилттай, амжилтгүй болсон зөвлөгөөг дагаснаас эмнэлэгт очиж эмчлүүлэх хэрэгтэй гэж зөвлөе.

Хатиг долоо дахиж гардаг уу? Энэ асуултад үгүй гэж хариулъя. Та дээрх бүхий л шалтгаануудыг арилгасан байхад хатиг дахин гарахгүй.

Мэнгэ гэж юу вэ?
Мэнгэ нь арьсны гадна байрлалтай, меланоцит буюу арьсны өнгийг тодорхойлдог эсээс гаралтай хоргүй хавдар юм. Мэнгэ нь төрөлхийн болон олдмол гэж байна. Хавтгай, гөлгөр, төвгөр, барзгар, зангилаат зэрэг хэлбэртэй. Өнгөний хувьд бүдэг ягаан, цэнхэр, бор, хар зэрэг өнгөтэй байдаг. Хортой мэнгэ гэж байдаг.

Ихэвчлэн хоргүй мэнгэ хортойд шилжинэ. Хортой болох шинж нь загатнах, үрэвсэх, цус гарах, язрах хэлбэрээр илэрдэг.

Мэнгээр оролдох, маажих зэрэг нь хортойд шилжихэд хүргэдэг. Охид, бүсгүйчүүд мэнгээ өөрөө авах гэж оролдох нь байдаг. Хумсны хутгаар, хөмсөг зулгаагчаар чимхэх нь мэнгийг гэмтээж хортойд шилжихэд хүргэнэ. Мөн мэнгэ хэдий чинээ тод, арьсны түвшинтэй ойр байх нь хортой мэнгэний шинж байж болдог. Тэгэхээр мэнгийг оролдох нь аюултай.

Хэрэв таны мэнгэ "хортой" шинжийг агуулж байгаа бол яаралтай эмчид хандах хэрэгтэй.

Э.Билгүүн