Өргөдлийн журмаар ашигт малтмалын хайгуулын тусгай зөвшөөрөл олгоход шаардлагатай материалыг Ашигт малтмал, газрын тосны газар энэ сарын 2-оос хүлээн авч эхэлсэн. Засгийн газрын хуралдаанаар өргөдлийн журмаар 13.6 сая га талбайд хайгуулын тусгай зөвшөөрөл олгохоор болсон. Ингэснээр Монгол Улсын нийт нутаг дэвсгэрт 31.8 сая га талбайд хайгуулын лиценз олгох боломжтой гэж солбилцлыг нь тогтоосон байна.

Өргөдлийн журмаар лиценз олгохдоо тусгай зөвшөөрөл өргөдлийн журмаар авахыг хүссэн өргөдлийг цахимаар хүлээж авна. Үүнээс өмнө өргөдөл гаргах эрх олгох дугаарыг цахимаар олгосон. Мөн нэг удаагийн цахим дугаар олголтоор 600 дугаар олгох боломжтой юм. Ингэснээр ойролцоогоор нэг сарын хугацаанд хүлээж авсан өргөдлөө шийдвэрлэх боломжтой гэж Ашигт малтмал, газрын тосны газрын дарга Б.Баатарцогт мэдээллээ.

Т.Элиса