Мануул бол Төв Азид тархсан жижиг муур юм.

Гэрийн муурны дайтай хэмжээтэй 60 см урт биетэй, 25 см урт сүүлтэй, дунджаар 3.6 кг жинтэй. Үс нь босоо судал бүхий зосон улаан өнгөтэй боловч их үстэй тул бараг харагддаггүй. Дэлхийн тархацын хувьд Монгол, ОХУ, Армен, Иран, Казахстан, Узбекистан, Афганистан, Пакистан,  Тажикистан, Хятад, Энэтхэг, Киргизстан зэрэг улсад амьдардаг. 

1. Мануул нь гэрийн тэжээвэр муурын хэмжээтэй, Монгол оронд амьдардаг зэрлэг муур юм.
2. Мануул нь төв азийн тал хээрт 1000-4000 орчим метрийн өндөрт нутагладаг.
3. Мануул нь муурын төрлөөс ялгаатай нь дугуй хүүхэн хараатай. Хөл нь богино, бандгар, үс нь урт, өтгөн. Үсний өнгө улирлаа даган өөрчлөгдөнө
4. Мануул шөнийн идэвхтэй, ул мөр бараг үлдээдэггүй тул тоо толгойг тодорхой гаргахад хэцүү байдаг
5. Мануул Дээд тал нь зургаан зулзага гаргах бөгөөд ногоолой гэж нэрлэнэ. Тавдугаар сарын эхээр төллөж эх мануул нь есдүгээр сар хүртэл тэднийгээ өсгөнө.
6. Мануул нь дархлалын систем нь сул тул нэгнээсээ халдвар авахгүйн тулд үржлийн үед цуглаж бусад үед ганц ганцаараа амьдарна.
7. Мануул нь дэлхийн улаан номын жагсаалтад устаж болзошгүй амьтдын тоонд ордог. 

Эх сурвалж: Экологийн цагдаагийн газар