УИХ-ын гишүүн Х.Баттулгын өмгөөлөгч Д.Пүрэвбаатар Сүхбаатар дүүргийн Цагдаагийн 1 дүгээр хэлтэст гомдол гаргаж байгаа талаараа өнөөдөр 12.00 цагт мэдээлэл хийнэ. 

Х.Баттулгын хамаарал бүхий “Төгрөг нуур” нүүрсний ордын тусгай зөвшөөрөл эзэмшигч “Төгрөг нуурын энержи” ХХК-ийн хувьцаа эзэмшигч болох “САМЕХ” ХХК нь татвар төлөхөөс зайлсхийх, мөнгө угаах, залилах, авлига, ашиг сонирхлын зөрчил үүсгэсэн болон бусад гэмт хэрэг, зөрчил үйлдсэн байж болзошгүй асуудлыг хууль хяналтын байгууллагаар шалгуулна гэж ЗГХЭГ-ын дарга Н.Учрал өчигдөр мэдэгдсэн юм.

Өмгөөлөгч Д.Пүрэвбаатар, Оффшор бүсэд компани байгуулж, Монгол Улсын газар нутаг, түүнтэй холбоотой Төгрөг нуурын уурхайг бусдад худалдаж, 250 сая ам.долларын ашиг орлого олсон, түүнийг нуун далдалж, Монгол Улсын эрүүгийн онц ноцтой хэрэг үйлдэж, татвараас зайлсхийсэн гэх мэдээлэл гаргасан байна. Үүнтэй холбоотойгоор Улсын бүртгэлийн газраас холбогдох материалуудыг авч үзэж, 430 хуудас материалыг сайн судалж үзлээ.

Судалсны үндсэн дээр бусдыг хүнд гэмт хэрэгт гүтгэсэн хэргээр холбогдох баримтуудыг хавсарган, ЗГХЭГ-ын дарга Н.Учрал, УИХ-ын гишүүн Г.Дамдинням нарын эсрэг гомдол гаргаж байна. Мөрдөн байцаалтын явцад бид нэмэлт материалуудыг гаргах өгөх болно гэв.