“Tesla”-ийн өнгөрсөн оны борлуулалтын орлогын 20 хувийг БНХАУ-ын зах зээл бүрдүүлжээ

“Wall Street”-ийн шинжээчид “Tesla” компанийн хувьцааны ханшийн төсөөллөө 43 хувиар буурууллаа. Тухайлбал: “Wedbush Securities”-ийн шинжээч "Олон улсад “Tesla” ерөнхийдөө улс төрийн бэлгэ тэмдэг болсон" гэж онцлоод тус компанийн хувьцааны ханшийн төсөөллөө 550-иас 315 ам.доллар болгон бууруулсан байна.

“Tesla”-ийн өнгөрсөн оны борлуулалтын орлогын 20 хувийг БНХАУ-ын зах зээл бүрдүүлсэн бөгөөд тус улсын хариу тарифын арга хэмжээнд өртөх нь компанийн хувьд тулгарч буй томоохон асуудал болоод буйг онцолжээ.

Харин Дональд Трамп нэмэлт тарифын арга хэмжээ зарлаж, олон улсын зах зээлийг уналтад оруулсны дараахан Илон Маск АНУ болон Европын Холбоо чөлөөт худалдааны бүс байгуулах найдлагатай байгаагаа илэрхийлжээ. Тэрбээр "Миний бодлоор АНУ болон Европын Холбоо тарифгүй нөхцөл байдалд шилжих хэрэгтэй. Ингэснээр Европ болон Хойд Америкийн хооронд чөлөөт худалдааны бус байгуулагдана" гэж Итали улсын Шадар сайдад хандан хэлсэн байна.