Киви гэж нэрийг нь сонсоход л арааны шүлс асгармаар исгэлэн тан­саг амттай хачин гоё жимс бий. Энэ жимсийг хэн дур­тай нь аваад гадаа гудам­жинд хаа нэгтээ ид­чихэж болдоггүй янзын золиг. Заавал нэг тав тухтай орчинд их л хи­чээн­гүйлэн байж хальснаас нь салгаад нандигнан зооглохоос ар­гагүй болдог. Тэг­вэл "Киви" гэж хэн хүний хараа булааж ан­хаарал тат­сан гоё охид­той хамт­лаг байх. Тэдний уран бүтээл нь ч залуу нас, гоо үзэс­гэлэн шигээ олны ан­хаар­лыг татаж алдрын ти­тэм булаалдаж эхэл­жээ. Тиймээс тэднийг  "Дебют цаг" булангийн­хаа энэ удаа­гийн зочноор урьж ярилцсан билээ.

-Охидуудаа, хамтла­гийн ахлагч нь хэн билээ?
-Ука.

-За тэгвэл эхний асуул­таа Укад тавья. Ука чи гай­халтай гоё бүжиглэдэг. Хаана тэгж бүжиглэж сураа вэ?
-Бүр жаахан  байхаасаа л бүжиглэж, дуулдаг охин бай­сан. Цэцэрлэгт байхаасаа, тэгээд дунд сургуульд сурагч байхдаа, бас оюутан байхдаа   урлагийн бүх л арга хэмжээнд идэвхтэй оролцдог  байлаа. Ер нь Уламбаяргүй юм гэж бай­даггүй л байсан.

-Ука аль арван жилийг төгссөн бэ?
-44 дүгээр сургуулийг төгссөн.

-Урлаг соёл гээд харайж явдаг охин байсан юм биз дээ?
-Тэгэлгүй яахав. Улам­баяргүй юм гэж байхгүй бай­лаа. Тэгээд дандаа л эхний байруудад шалгардаг байсан. Энэ хүмүүжил маань өнөөдөр надад их тус болж байна л даа.

-Танай гэрт урлагийн хүн бий юу?
-Байлгүй яахав. Миний  дээд талын эгч СУИС-ийн дуурийн дуулаачийн ангийг  төгссөн. Маш гоё  хоолойтой  эмэгтэй бий. Одоо дуурийн театрт ажилладаг.

-Ээж тань бас урлагийн хүн үү?
-Үгүй. Ээж, аав хоёрын  маань хэн нь ч  урлагийн хүн биш. Аав минь маш  сайхан дуулдаг, гоё хоолойтой. Яг урлагийн хүн гэвэл манай эгч л байна даа.

-Дунд сургуулиа төг­сөөд хаана юу хийсэн бэ. СУИС-д суралцсан уу?
-Би уг нь СУИС-д сурахыг маш их хүсч байсан л даа. Гэх­дээ ээж аавынхаа зөвлө­гөөг дагаад гадаад хэлний "Орхон" дээд сургуульд орсон.

-Хэрвээ нууц биш бол ээж аав чинь юу гэж зөв­лөсөн  юм бэ?
-Нууц биш ээ. "Чи хэл сайн сураад европжуу төрхөө ашиглаад орчуулагч болбол зүгээр" гэсэн юм. Тэгээд л би хэлмэрч, нарийн бичгийн даргын ангид орсон. Гэвч нэг жил сураад энэ бол миний эзэмших мэргэжил биш юм байна гэдгийг ойлгосон. Тэ­гээд хэнд ч хэлэхгүйгээр чимээгүйхэн хувийн хэргээ аваад СУИС-ийн жүжигчний ангид эл­сэлтийн шалгалт өгсөн. Эхний шалгалтдаа тэнцсэн. Энэ нь надад маш их урам өгсөн л дөө.  Гэвч харамсалтай нь хоёр дахь шалгалтдаа тэн­цээгүй уна­чих­сан. Юу нь бо­лоогүй юм бүү мэд. Гэхдээ энэ нь харин ч азтай явдал болсон юм.  Тэгээд 2003 онд "Nature sounds" төвд орж сур­сан. Тэгээд Ангирмаа багш­даа СУИС-ийн шалгалтад тэн­цээгүй гэдгээ хэлэхэд зү­гээр дээ гээд "Nature sounds"-даа  бүжгийн багшаар үлдэхийг санал бол­госон. Энэ саналд би маш их баярлаж бүжгийн багш бол­сон. Ингэснээрээ би Киви хамтлагт орох анхны алхмаа хийсэн юм болов уу гэж боддог.

-Тэгэхээр Энхзол хэзээ нь ирсэн юм бэ?
-Энхзол эхний төгсөлтийн шилдэг оюутан болж төгссөн юм билээ.

-Тэгвэл тэр үед Намуу­наа чи хаана юу хийж бай­сан бэ?
-Би СУИС-ийн нэгдүгээр дам­жааны оюутан байлаа.  Тэгэх­дээ бас л "Nature sounds"-д гу­рав­дугаар дам­жааных нь оюу­тан болж сур­сан. Укагийн дараагийн төг­сөлт гэсэн үг л дээ. Энхзол, Ука бид гурав да­раалаад су­рал­цаж төгссөн юм.

-Намуунааг Ухнаа гуайн зээ охин гэдгийг уншигчид андахгүй байх л даа. Ан­гирмаа багш чинь анх хамт­лаг байгуулахдаа өвөөгөөс чинь чамайг гуйсан гэдэг үнэн үү?
-Тиймээ. Нэг өдөр Дашка багш  над руу утасдаад "Ча­майг шалгах гэсэн юм аа, чи хүрээд ирээч ээ" гэсэн. Даш­ка багш маркетинг талаа хариуцдаг юм л даа. Маш их гайхсан боловч би яваад очсон. Өвөө ч гэсэн намайг "Миний охин очоод шалгуул­чихаарай" гэсэн л дээ. Тэгээд очтол Ангирмаа багш, Дашка багш  хамтлаг байгуулах гэсэн юм гэж ярьж байсан. Надад үнэхээр таалагдсан.

-"Киви"-д нэр өгөх үе­дээ та нарыг энэ нэрэндээ дур­гүй байсан гэж үнэн үү?
-Анх хамтлагийн нэр өгөх үед ийм жимсний нэртэй хамт­­­­лаг огт байгаагүй боло­хоор чихэнд наалдаж өгөхгүй байсан л даа. Бид болж өгвөл орчин үеийн англи нэр өгчих санаатай янз янзын л санаа­нууд хэлж байсан. Гэвч "Киви" гэж нэрлэхийг багш зөвлөсөн. Тэгээд л Киви болсон. Одоо бол "Киви"-дээ маш их хайр­тай. 

-"Киви"  анх гарч ирэх­дээ л нэрнээсээ хүртэл содон байсан шүү?
-Тиймээ, тэрийг хүлээн зөв­шөөрнө. Одоо бидний да­раагийн хамтлаг "Банана" гэж байгаа шүү дээ.

-Bоу хамтлаг байгуулна гэж яриад байсан юм сан. Тэгвэл  тэр "Банана" байж л дээ. Бас л жимсний нэр байна?
-Тиймээ. Багшийн төрсөн өдрөөр танилцуулсан шүү дээ.

-Одоо хамтлагийн ши­нэ­хэн гишүүн Агийгаас асууя. Агий чи хэдэн онд төрсөн бэ. Учир нь чи дэн­дүү жаахан бараг нялхаа­раа шахуу юм шиг харагд­даг л даа?
-(инээлдэв)

-Ука: Агийг хүмүүс харин тэгээд байдаг юм.

-Намуунаа: Аргагүй ээ,  бүр baby царайтай болохоор нь тэгдэг юм болов уу.

-Агий: Насаа хэлмээргүй  бай­на. Эмэгтэй хүн чинь насаа хэлдэггүй биз дээ. Гэхдээ би тийм жаахан хүү­хэд биш ш дээ. Ямар ч бай­сан "Киви" хамтлагийн гишүүн болоод Намуунаа, Ука хоёр­тойгоо хамт ажиллах болсон­доо сэтгэл маш өндөр байгаа.

-"Киви" хамтлаг мэн­дэл­­чихээд  Намуунаа, Ука хоёр бас чиний өмнөх ази төр­хийг төлөөлдөг байсан охид залуусыг байлдан дагуулж байх үед Агий маань хаана юу хийж бай­сан бэ? 
-Би "Киви"-г анх байгуу­лагд­­сан цагаас нь л мэднэ. Маш гоё охид гоё дуулдаг, бас бүжиглэдэг. Стиль имиж нь хүртэл бусдаас эрс ялгаа­тай.  Үнэхээр гоё хамтлаг юм даа гэж боддог байсан. Бас дууг нь их сонсдог байлаа. Харин ингэж хамтлагийнх нь нэг гишүүн болно гэж огтхон ч төсөөлж байгаагүй шүү. Тэ­гээд Ангирмаа багшдаа шал­гуулаад л орсон доо.

-Шалгуур нь хэцүү бай­сан уу?
-Гайгүй ээ... 

-Ука: Ангираа багш бид гурав сууж байгаад л "за алив, ингээд бүжиглээдэх, дуулаа­дах" гээд л  шалгана ш дээ. (инээв) Намуунаа бид хоёр ч бас хамт ажиллах хүнээ ха­рах хэрэгтэй биз дээ. Мэ­дээж хэн ч гэсэн шинэ хамт  олон дунд орж ирээд эхэн үедээ гэрэвшинэ. Тэгээд тун удал­гүй Намуунаа бид хоё­рын галзуурал дунд автаад биеэ барихаа больж  задардаг. Агий анх  даруухан байсан ш дээ. Их ичимхий, бас нүүрээ ч буддаггүй л охин байсан. Ер нь манайд байсан охидуу­даас Солонго л их нүүрэмгий нь байсан юм байна. 

-Агий: Мэдээж "Киви"-д ороод бүх юм маань өөрч­лөгд­сөн.

-Ингэхэд хамтлагийн анхны гишүүн Энхзол хаана яваа вэ?  
-Ука: Золоо  маань "B" про­дакшнтай хамтран ажиллаж байгаа. Манай Золоо чинь унаган англи, орос хэлтэй, боловсролтой сайн охин л доо.

-Бид яриад л байдаг Агий дуугүй голдуу л суу­гаад байх юм аа?
-Ука: Манай Агий ийм л даруу­хан байхгүй юу. 

-Агий,  өөрийнхөө тухай ярь л даа. Аль дунд сур­гуулийг төгссөн, эхээс хэ­дүүлээ вэ гээд уншигчид сонирхох байх л даа?
-Би эхээс хоёулаа. Дээ­рээ нэг ахтай. Гэгээрэл дунд сургуулийг төгссөн. Би дөчин мянгатын л хүүхэд. Манайх тэнд байсан болохоор багаа­саа л тоглож өссөн газар маань тэр.  Аав, ээжийн  хайр­тай эрх охин нь. Аав, ээж хоёр маань урлагийн хүмүүс биш ч гэсэн урлагийг ойлгодог, хүндэлдэг. Найранд дуутай, наадамд даваатай гэж мон­голчууд ярьдаг шүү дээ. Тийм л хүмүүс.

-Агий найз залуутай юу?
-Нууц.

-Энэ сэдэв кивичүү­дийн хувьд бас нууц уу?
-Нууц нууц.

-Ука: Болж өгвөл хувийн амьд­рал яримааргүй байна.

-Яагаад. Уг нь та нарын хувийн амьдралыг л уншиг­­чид маань их со­нирхох байх гэж бодсон юм?
-Бид нууцлагдмал, сонир­холтой баймаар байна. Бүс­гүй хүн чинь ер нь тийм нууц ертөнц л байх ёстой шүү дээ. Тиймээс Киви нууцлагдмал сонирхолтой хэвээрээ олон олон жил баймаар байна.

-Тэгвэл сүүлийн үед  шар сонинууд дээр гараад байгаа зарим зүйлийн  ту­хай тодруулмаар байна. Ука чи стриптиз үзүүлдэг байсан юм уу?
-Ерөөсөө хувийн амьдрал яримааргүй байна. Энэ асуул­тад хариулж чадахгүй нь л дээ, уучлаарай.

-Стриптиз үзүүлдэг  бай­­сан ч гэсэн тэр тийм муу­хай юм биш л дээ, тийм үү?
-Тэглээ ч гэсэн дээ...

-"Ангирмаа гэж нэг муу­хай ааштай хүн хөөрхий гурван охины хөдөл­мө­рийг мөлжиж байна"  гэж бас бичдэг юм билээ?
-Тийм юм ёстой байхгүй. Бид гурав багшдаа хайртай. Ангирмаа багш маань харин ч биднийг маш сайн ойлгодог шүү.

-Хамтлагийн ази төр­хийг илэрхийлдэг охидууд яагаад ойр ойрхон солиг­доод байна аа. Ука, На­муунаа хоёрыг нөгөөдөхөө хавчаад хөөгөөд явуулчих­даг гэх юм?
-Арай ч дээ. Бид хоёр хөөгөөд байхдаа яахав дээ... (инээлдэв)

-Агий нэг л мэдэхэд бас яваад өгөх юм биш биз дээ?
-Өө, үгүй ээ. Би дандаа "Киви"-тэйгээ хамт.  

-Тэгвэл ийм гоё охи­дын хойноос залуучууд их гүйж байна уу?
-(инээв)Өө, үгүй дээ. Тийм юм нэг их мэдэгддэггүй ш дээ.

-Та гурав анхны хайр­тайгаа учирсан уу?
-(инээлдэв) Мэдээж анх­ны хайртайгаа учралгүй яа­хав. Гэхдээ одоо энэ тухай яримааргүй байна.    

-Ука чамайг оросын эр­лийз байх гэж ярилцдаг тийм үү?
-Ука: Үгүй ш дээ. Аав ээж маань цэвэр монгол хүмүүс. Би эхээс тавуулаа. Айлын отгон охин. Би гэр бүлээсээ ганцаараа л ийм царайтай. Ийм өндөр хамартай. Гэхдээ би ийм царайтай төрсөндөө баярладаг. "Киви"-д орох гэж л ийм царайтай төрсөн гэж боддог. (инээв) Бурханд баяр­лалаа.

-Чи үсээ шараар буддаг юм байна тийм ээ?
-Тиймээ. Бараг найман жил будаж байна.

-Хэрвээ чи хар үстэй бол ийм европжуу төрхтэй харагдахгүй байх аа?
-Хар үстэй байхдаа харин ч бүр европ төрхтэй болчих­дог юм.

-Танайх хаанахын айл вэ?
-Улаанхуарангийнх. Одоо техникийн захын тэр хавь гэ­сэн үг.

-Ийм сайхан охидууд би­еийн жингээ барьж гоо сайхнаа хадгалах гэж нэ­лээд хичээдэг байлгүй. Тэр нууцаасаа хуваалцахгүй юу?
-Нэг их хичээгээд байдаг юм байхгүй л дээ. Маш их бү­жиглэдэг болохоор жин нэм­нэ гэж байхгүй. Бид ер нь маш завгүй байнга л бэлтгэл сур­гуулилт хийж байдаг. Гэх­дээ энэ маань бидний хобби бол­чихсон учраас бид ердөө ч ядардаггүй. Байнга бүжиглэ­дэг болохоор хоолны дэглэм барь­даггүй. Харин тоглолтод орох үед бидний ард бүхэл бү­тэн баг ажилладаг шүү. Хам­тарч ажилладаг бүх хү­мүүс­тээ танай сониноор дам­жуу­лаад "Та  нартаа Киви хайртай шүү" гэж хэлмээр байна.

-Одоо та нар хэн хэн­тэйгээ хаана амьдардаг вэ?
-Ука: Нууц.

-Агий: Аав ээжтэйгээ.

-Намуунаа: Эмээ, өвөө хоёртойгоо. Би ер нь л эмээ өвөөдөө эрхэлж өссөн. Бүр сүүлд дүүтэй болсон.   

-Намуунаа чи бол ба­гаасаа л урлагийн гэр бүлд төрж өссөн болохоор ур­лагаас ангид явах боломж­гүй байсан байх тийм үү?
-Тийм шүү. Үнэхээр урла­гийн орчинд л өсч өндийсөн. Би их азтай хүн шүү. Цэцэр­лэгт байхаасаа л дуулж бү­жиг­лэдэг охин байлаа.  Хүүх­дийн ордны бүжгийн дугуй­ланд явдаг байсан. Сургуульд орохдоо Хөгжим бүжгийн сур­гуульд орсон. Тэгээд дараа нь Соёл урлагийн их сургуульд суралцсан. Дандаа л урлагийн сургуулиудаар явсан даа. 

-Киви  ер нь цаашдаа яах зорилготой байна вэ. Ингээд дуулж бүжиглээд л байх уу. Гэхдээ энэ асуул­тыг хувь хүмүүсийн чинь хувьд асууж байгаа юм шүү?
-Ука: Миний хувьд бол­догсон бол  ингээд л дуулж бүжиглээд л насыг барах юмсан гэж үнэхээр их мөрөө­дөж байна. Тэрнийхээ төлөө маш их хичээж байгаа.

-Намуунаа: Ангирмаа багштайгаа байнга хамтдаа явж зорьсон зорилгодоо хүрч мөрөөдлөө биелүүлэх сэн гэж хүсч бай­на.

-Харин Агийгийн хувьд?
-Би ч мөн "Киви"-тэйгээ мө­рөөдлөө биелүүлэх сэн гэж бодож байна.

-Тэгээд гэр бүлийн амьд­ралд хэзээ хөл тавих юм бэ. Хүний эхнэр болж, хүүхэд гаргах үе хэзээ вэ?
-Мэдээж хүний хорвоод эмэгтэй хүн болж төрсний гол утга учир бол хүүхэд төрүүлж айлын эзэгтэй болох шүү дээ. Гэхдээ одоохондоо бид яа­рахгүй байна. Нас за­луу байна. Бас хийж амжуу­лах ажил их байна. Зорьсон зо­рил­годоо хүрчихээд гарга­сан амжилтдаа ханачихаад дараа нь гэр бүлийн амьдрал зохионо оо. 

-Гадны алдартай хамт­лагуудыг хараад байхад ийм гурван өөр төрхийг илэрхийлдэг охидын хамт­лаг байхгүй юм шиг санаг­дах юм. Та нар өөрсдөө энэ талаар судалж үзсэн үү?
-Бараг байхгүй байх аа. Яг ингэж гурван өөр төрхийг илэрхийлсэн хамтлаг гэж үгүй байх гэж бодож байна. Сая бид нарыг Англид тоглолт хийхэд гадаадын хүмүүс ирж үзсэн. Маш их сонирхож байна билээ. Нэг хар залуу ирээд  бидэнд баяр хүргээд "Монголд ийм  охидууд байдаг юм уу.  Та нар их сайхан дуулж бүжиглэдэг юм байна" гээд амжилт хүссэн. Тэгэхээр бид чинь бас Монголынхоо нэрийг гаргаад ирсэн шүү.

-Англи руу ямар зорил­гоор явсан юм бэ?
-Бид хүмүүнлэгийн аж­лаар явсан. Энд асрамжийн газарт байсан хүүхдүүдээс Англид сургуульд сурах бол­сон юм билээ. Үнэхээр сайн мэдлэгтэй, толгой сайтай хүүхдүүд даанч төлбөрийн мөнгө байхгүй байсан. Тэгээд бид тоглолт хийж олсон мөн­гөө тэдэнд зориулсан юм.

-Та нар тэгвэл сайн үйл бүтээсэн байна ш дээ.  Киви ер нь аль хэр хандивын тоглолт хийдэг вэ?
-Хандивын тоглолтод  үнэ­хээр олон удаа оролцож бай­сан шүү.

-Киви байгуулагдсан цагаасаа хэр амжилтанд хүрсэн бол?
-Ямар ч байсан өнгөрсөн дөрвөн жилийн хугацаанд гурван CD, хоёр том тоглолт, 25 клиптэй болсон байна билээ. Энэ бол манай продюс­сер Ангирмаа багшийн маань ач л даа. Манай багш хувь хүнийхээ хувьд огт зүгээр суудаггүй хүн.

-Саяхан шинээр гарга­сан "Boys boys" дууны чинь клип үнэхээр гоё болсон байна билээ. Одоо бас шинэ уран бүтээл дээр ажиллаж байгаа юу?
-Тиймээ. Шинэ жилд зо­риул­сан клип хийлгэж байгаа.

-Хэзээ гарах бол?
-Удахгүй, тун удахгүй. 

-Бидний яриа өндөр­лөж байна. Баярлалаа охи­дууд аа. Та нар үнэхээр саак шүү.
-Баярлалаа. Киви ч гэсэн танай сонины мянга мянган уншигчдад аз жаргал хүсэн ерөөе. Мөн залуустаа хандаж хэлэхэд муу зуршилд бүү автаарай. Архи, тамхи битгий хэрэглээрэй. Хэрвээ гудам­жинд тамхи татаж байгаа хүүхэд залуус "Киви"-тэй таа­рал­дах юм бол бид зүгээр өнгөрөөхгүй шүү. (инээлдэв)

Л.Мөнхбаясгалан