Манай улсын эдийн засаг хөгжихийн хэрээр зарим салбарт нарийн мэргэжилтэн дутагдалтай болж буй. Үүнтэй холбоотойгоор ерөнхий боловсролын сургууль төгсөгчдийг эрэлттэй мэргэжлээр суралцуулах, гадаадад боловсрол эзэмш үүлж, улсынхаа хөгжилд хувь нэмэр оруулахад түлхэц болох үүднээс эл үзэсгэлэнг зохион байгуулжээ.

“Сонгосон мэргэжил, суралцах сургуулийнх нь талаар үнэн бодит мэдээллийг элсэгчдэд хүргэхээс гадна жил бүрийн хөд өлмөрийн зах зээлийн эрэлт, нийлүүлэлтийн бодит байдлыг тодорхойлоход энэ үзэсгэлэн чухал үүрэгтэй” гэж зохион байгуулагчид онцлов. Үзэсгэлэн яармагт МУИС, ЭМШУИС, СУИС, Орхон их сургууль, Техник, технологийн дээд сургууль зэрэг төрийн өмчийн болон хувийн хэвшлийн 50 их, дээд сургууль, коллежийн төлөөлөл оролцсон юм.

Зөвхөн их, дээд сургуулиудыг танилцуулах бус оюутнуудад сургалтын тэтгэлэг олгодог Сургалтын төрийн сан, “Зориг” сан зэрэг байгууллага, гадаадын их, дээд сургуульд суралцуулах сургалтын төвүүд ч хамрагджээ. Их, дээд сургуульд элсэгчдэд хэрэгцээтэй мэдээлэл түгээж буй эл үзэсгэлэн өнөөдөр өндөрлөнө.