АНУ ард иргэдээ омикроноос хамгаалахын тулд 400 сая N95 маск үнэгүй тараана гэж Цагаан ордноос мэдэгдлээ.

Омикрон хувилбарын тохиолдол ихсэж байгаа энэ үед иргэд ямар төрлийн маск зүүх ёстойг тодорхой ойлгуулахыг холбогдох албаныхан ихээхэн эрмэлзэж байна гэв.

Хамгаалалт багатай даавуун маск биш N95 эсвэл KN95 маск хэрэглэхийг уриалсан дорвитой хариу арга хэмжээ авсангүй гэж Ерөнхийлөгч Жо Байденыг шүүмжлээд байсан юм.

Байдены засаг захиргаа 400 сая N95 маскийг улс даяар олон мянган цэгт үнэ төлбөргүй тараах болно гэж Цагаан ордны албаны хүн мэдээлжээ. Эрүүл мэндийн мэргэжилтнүүд коронавирусний омикрон хувилбараас хамгаалахын тулд өндөр чанартай амны хаалттай байхын ач холбогдлыг онцолж байна.

Мөн Нийгмийн эрүүл мэндийн зарим мэргэжилтнүүд халдварлах чадвар өндөр омикрон хувилбараас болж эмнэлэгт хэвтэх хүмүүсийн тоо нэмэгдэж байгаа тул хамгаалалт багатай даавуун маск биш N95 эсвэл KN95 маск хэрэглэхийг уриалсан дорвитой хариу арга хэмжээ авсангүй гэж Ерөнхийлөгч Жо Байденыг шүүмжлээд байсан юм.

Энэ удаад Стратегийн үндэсний нөөцөөс төсөв гарган эмийн сан, нийгмийн эрүүл мэндийн төвүүдтэй хамтран ажиллаж маск үнэгүй тараах юм. Ажлын хэсэг энэ долоо хоногт тээвэрлэлт хийж эхлэх бөгөөд хоёрдугаар сарын эхээр хөтөлбөр бүрэн хэрэгжиж эхэлнэ гэж Цагаан ордноос мэдээлжээ.

N95 маск нь даавуун болон нэг удаагийн маскаас илүү сайн хамгаалалттай байдаг билээ. Мөн АНУ-ын өрх бүр гэртээ  дөрвөн шинжилгээг үнэ төлбөргүй хийлгэх эрхтэй байдаг.

Эх сурвалж: Today