Монгол Улсын Засгийн Газар, Монголын Үндэсний Худалдаа Аж Үйлдвэрийн Танхимтай хамтран жил бүр зохион байгуулдаг 2012 оны “ТОП 150 аж ахуйн нэгж”-ийн 16-д ВИТАФИТ ГРУПП шалгарлаа.

Энэхүү шалгаруулалтыг явуулахдаа аж ахуй нэгжүүдийн амжилт бүтээл, тогтвортой үйл ажиллагаа, татвар төлөлт, улс орны эдийн засаг, нийгмийн хөгжилд оруулж буй хувь нэмрээр нь шалгаруулдаг уламжлалтай билээ.



Энэ жилийн шалгаруулалтын гол онцлог нь аж ахуйн нэгжүүдийн компаний нийгмийн хариуцлага, авлигын эсрэг явуулж буй үйл ажиллагаа, компаний засаглал, инноваци, дэвшилтэд техник,технологи нэвтрүүлэх чиглэлээр хийсэн ажлын үр дүнг гол шалгуур болгожээ.

Витафит группын хувьд өнгөрсөн жилүүдэд тогтмол эхний 34 байруудад шалгарч ирсэн. Тус групп өнгөрсөн 2012 онд нийт 24 орчим тэрбум төгрөгийн татвар, шимтгэлийг улсын төсөвт төвлөрүүлж, 200-аад ажлын байр шинээр бий болгожээ.

Түүнчлэн нийгмийн хариуцлагын хүрээнд ажилчдынхаа ажиллах орчин, нөхцлийг сайжруулах, тусалж дэмжлэг үзүүлэх, ажилтнуудыг хөнгөлөлттэй орон сууцаар хангах зэрэг бодит үр дүнтэй ажлуудыг зохион байгуулсан бөгөөд Монголын хойч ирээдүй болсон хүүхэд, залуусын авъяас чадварыг нээн илрүүлэх, хөгжүүлэхэд хувь нэмрээ оруулан “Universe Best Songs 2012”, “Гэгээн алсын одод”, “Making the band 3” Волейболын Азийн оюутны аварга шалгаруулах тэмцээн, “Goy cup” волейболын залуучуудын улсын аварга шалгаруулах тэмцээн зэрэг олон уралдаан тэмцээнүүдийг хамтран зохион байгуулж нийгэм рүү хандсан сайн үйлсийг тогтмол зохион байгуулсан.

Мөн байгаль орчин, эрүүл мэндэд ээлтэй үйлдвэрлэл явуулан дотоодын хэрэгцээг бүрэн хангах хүчин чадалтай орчин үеийн дэвшилтэд технологи бүхий цэвэр ус савлах бүрэн автомат “комби блок” үйлдвэрийг ашиглалтанд оруулсан юм. Түүнчлэн олон шинэ төрлийн бүтээгдэхүүнийг хэрэглэгчиддээ өргөн барьж чанарыг дээдэлсэн үйлдвэрлэл явуулж үр дүнтэй ажилсан байна.