Монголын Мэдээллийн Технологийн Консорциумиас (ММТК) зохион байгуулж буй “Мэдээллийн технологийн 7 хоног” өдөрлөгт аяны  хүрээнд  Монгол Улсад мэдээллийн технологийн чиглэлээр суралцдаг оюутан залуус өөрийн ур чадвараа дээшлүүлэх, тэдгээрийн авъяас чадварыг дээшлүүлэх зорилгоор “Программ хангамжийн бүтээлийн үзэсгэлэн” арга хэмжээг 2013 оны дөрөвдүгээр сарын 25-ны өдөр “Blue Sky Tower”-н үзэсгэлэнгийн танхимд амжилттай зохион байгуулагдсан бөгөөд уг арга хэмжээнд нийт 29 бүтээл тавигдан  олон нийтэд толилуулжээ.  

Ирсэн бүтээлүүдийг сургуулиар нь ангилвал:
1.МУИС-н МТС -с 7 бүтээл
2.ШУТИС-н КТМС -с 4 бүтээл
3.ИЗОУИС -н КМС -с 4 бүтээл
4.МУБИС-н КМТС -с 1 бүтээл
5.ШУТИС – н Дархан ТС-с 6 бүтээл
6.ХИС-н МХМС -с 3 бүтээл
7.Цахим өртөө ДС -с 2 бүтээл
8.Ховд ИС –с 1 бүтээл
9.Хөвсгөл Далайван коллеж -с 1 бүтээл тус тус танилцуулагдлаа.
 
Оролцогчдын хамгийн залуу нь МУИС-н МТС-ийн С.Хангал 1-р курсын оюутан бөгөөд бусад зохиогчид  нь ахлах курсын  оюутнууд байлаа.

Оюутан залуусын бүтээлч сэтгэлгээг дэмжин Мэдээллийн Технологийн Үндэсний Парк www.itpark.mn, Силикон Пауэрийн албан ёсны төлөөлөгч Ай Си Би СИ ХХК www.silicon-power.com , Слайд ХХК www.slide.mn , Скай Си энд Си компани www.skymedia.mn , олимпиадыг зохион байгуулах хороо зэрэг байгууллагууд нэрэмжит шагнал тус тус олгов.

Уг арга хэмжээг Бизнесс Технологи Солюшн компани ивээн тэтгэжээ. Эхний 5-н байрд шалгарсан  шилдэг бүтээлүүдийг дараах байдлаар түүврээр та бүхэнд танилцуулъя.

Бүтээлийн уралдааны шилдэг бүтээлүүд :

Бүтээл 1. МУБИС-КМТС-ийн КАХ-4в ангийн оюутан Гантөмөрийн Эрдэнэдалай – Слайд ХХК болон МТҮП-ын нэрэмжит шагнал
Бүтээлийн нэр : Android Game Controller
Бүтээлийн товч танилцуулга : Desktop дээрх тоглоомыг андройд үйлдлийн систем бүхий утаснаас тоглох. /жишээ нь машины уралдаан/
Шинэлэг тал: Ихэвчлэн бага насны хүүхдүүд компьютерийг keyboard-ны товчлуур ашиглан тоглох нь хүндрэлтэй байдаг бөгөөд Joystick-ийг бүрэн орлох боломжтой юм. Гар утасны тусламжтайгаар уг тоглоомыг удирдан тоглох  боломжтой бөгөөд хулгана болон гар болгож ашиглах боломжтой.
Ашигласан технологи:
-Eclipse
-Android SDK windows
-Java хэл        
-Андройд утсыг компьютертэй WIFI-aaр холбох
-Robot class    
Интерфэйс:

 
Холбоо барих хаяг:
E-mail address: dalai0112@yahoo.com
Гар утас:  88998900

Бүтээл 2. ШУТИС-Дархан-Уул ТС.  КПХ-4 ангийн оюутан.  Хуягийн Гантулга  – МТҮП болон Silicon Power-ын албан ёсны төлөөлөгч Ай Си Би Си компаний нэрэмжит шагнал
Бүтээлийн нэр: Программчлалын бодлогын сайт
Бүтээлийн товч танилцуулга, зорилго: Монголын мэдээллийн технологийн чиглэлээр суралцдаг оюутан, залуус нь 2009 оноос эхлэн Азийн бүсийн Программчлалын олимпиадад амжилттайгаар оролцож тогтмол эхний 3-н байрт шалгарсаар байна. Энэ медалийн буухиаг таслахгүй,  улам чанаржуулж  олон улсын хэмжээнд хүргэх зорилготойгоор уг вэб сайтыг бүтээжээ.
Уг сайтын хэрэглэгчид: Уг вэб сайт нь 3-н түвшний хэрэглэгчидтэй (Admin , Moderator, Coder) бөгөөд түвшин бүртээ өөр өөрийн үүрэг онцлогтой юм байна.
-Coder(Энгийн хэрэглэгч) нь бодлого бодох, тэмцээнд оролцох, хичээл үзэх, форумд хэлэлцүүлэг нэмэх зэрэг үндсэн үйлдлүүдийг гүйцэтгэнэ.
-Moderator(Нийтлэгч зааварлагч) нь дээрх үйлдлүүдийг гүйцэтгэхээс гадна хичээл нийтлэх, тэмцээн зохион байгуулах, тайлан гаргах, шаардлагатай мэдээллүүдийг нууцлах, цуцлах зэрэг олон нэмэлт эрхүүдтэй.
-Admin - Сайтын үйл ажиллагааг бүрэн хянах(Кодын хэсэг болон Өгөгдлийн бааз сервертэй ажиллана) бөгөөд бүх түвшний үйлдлийг гүйцэтгэнэ хянана.
Үйл ажиллагааны урсгал: 


Эндээс хэрэглэгч бодлого бодох хэсгийг харилцааны зохиомж хэлбэртэйгээр товч танилцуулъя:


Ашигласан технологи, шинэлэг тал : PHP with(js,jquery(ajax,json),bootstrap,...) Mysql, IDEONE api, Facebook API.
Шинэлэг давуу тал: Зөвхөн өгөгдлийн сан сервер хоорондын ажиллагаанаас гадна өөр сайтуудын API технологитой холбогдож мэдээлэл солилцож ажилладаг.

Орчин үед бүрэн динамик вэб сайт буюу цонх бүрт үсэрдэггүй нэг цонхон дээр бүгдийг хийдэг вэб сайтууд хүчээ авч байга билээ. Ийм вэб сайт нь энгийн сайтуудыг бодвол хурдан, цэгцтэй ажиллагаатай байдаг. Энэ төрлийн вэб сайтыг хийхэд нэг төвөгтэй асуудал нь замчилал байдаг. Бүтээлийн эзэд өөрийн бүтээлээ бүрэн динамик болгож оролт гаралтын мэдээллүүдийг нууцалж хамгаалах мөн дээрээс нь замчилж өгснөөрөө онцлогтой юм.
    
Интерфэйс :
 
Хэрэглэгчийн чансаа
 
Тэмцээний жагсаалтууд
 
Тэмцээний агуулга
 
Бодлогууд
 
Бодлогын агуулгын хэсэг
 
Комментын хэсэг

Бүртгүүлэх хэсэг
Холбоо барих утас:
Утас: 99566666
И-Мэйл: George_teller@yahoo.com
Blog: Bemby.ucoz.com , Codermn.tk

Бүтээл 3. ШУТИС- Компьютер Техник Менежментийн Сургууль, МС-4 ангийн оюутан. Гансүхийн Содбилэг  – ММЗО ТББ-ын нэрэмжит шагнал
Бүтээлийн нэр: Гар утсанд суурилсан багшийн э-Журнал
Бүтээлийн товч тодорхойлолт: “э-Журнал” нь багш болон оюутан хоорондын мэдээлэл солилцох ажиллагааг хөнгөвчилж, хэрэглэгчдэд цаг хугацаа, орон зайг үл хамааран нэгдсэн өгөгдлийн  санд хүртээмжтэйгээр хандах боломжийг олгох аппликейшн юм. Энэхүү аппликейшн нь үндсэн гурван хэсгээс бүрдэнэ.
1.Мэдээ мэдээлэл - Энэ хэсэгт тухайн сургуулийн багш, оюутан, ажилтнуудтай холбоотой сүүлийн үеийн мэдэгдэл, зарлал болон танин мэдэхүйн чанартай мэдэээллүүд багтана.
2.Багшийн журнал - Багш өөрийн хэрэглэгчийн эрхээр энэхүү хэсэгт нэвтрэх бөгөөд тухайн хичээлийн жилд зааж буй хичээлүүдээ сонгох, хичээлийн хуваариа зохиох, өөрийн заадаг хичээлүүддээ оюутан нэмэх, оюутнуудын дэлгэрэнгүй мэдээллийг үзэх, үнэлгээ бүхий хичээлүүд нэмэх, оюутнуудыг дүгнэх, оюутнууд руу масс мэйл илгээх, нэгдсэн дүн гаргах гэх мэт үйлдлүүдийг хийх боломжтой.
3.Байрлал - Энэ хэсэгт сургуультай холбоотой объектуудын байршлуудыг (хичээлийн төв байр, бусад байр, хамтарч ажилладаг банкууд гэх мэт) Google Maps дээр нэр, зураг, холбогдох утасны хамт үзүүлнэ.

Дээр дурдсан гурван бүх хэсэгт ашиглагдах өгөгдөл нь вэб сервисээр дамжуулж MySQL өгөгдлийн санд хадгалагдах бөгөөд админ вэб интерфейсээр дамжуулан өгөгдлүүдийг хянах, зохион байгуулах бүрэн боломжтой юм.

Ашигласан технологи, шинэлэг тал :
•Front-end (гар утсанд суурилсан багшийн журнал): iOS
•Back-end (вэбэд суурилсан админы удирдлага): PHP
•Өгөгдлийн сан: MySQL
•Локаль өгөгдлийн сан: SQLite

э-Журнал аппликейшн нь вэб сервисээр дамжуулж өгөгдлүүдээ авах, мөн интернет сүлжээнд холбогдсон үед утасны өөрийн локаль өгөгдлийн сан болох SQLite - д өгөгдлүүдээ хадгалж, “synchronize” хийдэг учир багш интернет сүлжээгүй орчинд ажиллах боломжтойгоороо тухайн аппликейшны шинэлэг тал болж байгаа юм.

Интерфейс :
Холбоо барих хаяг:
Утас: 99627918, и-мэйл хаяг: sodbileg.gansukh@gmail.com
      
Бүтээл 4. ХИС-МХМС-ийн КГД-4 ангийн оюутан.  Дэмбэрэлийн Билгүүнтэй – Скай Си энд Си компаний нэрэмжит шагнал
Бүтээлийн нэр: Facebook-ийн GEEKS хуудасны программ, Видео шторк, Реклам
Бүтээлийн товч тодорхойлолт: Facebook-ийн хэрэглэгчдэд зориулсан бяцхан хөгжилтэй программ бөгөөд хэрэглэгч уг программаар ороход түүнтэй ижил төстэй амьтны зураг гардаг байна. Тэр зураг нь “Random”-р буюу санамсаргүй сонгогдож харагдана. Иймэрхүү төрлийн программ ашиглан хуудасныхаа хэрэглэгчдийн тоог 2 сарын дотор 100000 болгосон. Одоогоор 158000 хэрэглэгчидтэй байгаа юм байна. Видео шторк болон реклам нь байгууллагуудад хийжээ.
Ашигласан технологи, шинэлэг тал: Facebook программыг PHP болон MySql ашиглаж хийсэн. Видео шторк болон рекламыг After Effects ашигласан байна.
Интерфэйс:


Facebook хуудас: https://www.facebook.com/GEEKSTIME уг хуудсаас программууд болон видеонуудыг нь туршиж үзэх боломжтой.
Холбогдох барих хаяг:
и-мэйл хаяг: bunny4870@yahoo.com
Утасны дугаар: 99664870

Бүтээл 5. Цахим өртөө ДС. ПХ 4 ангийн оюутан. Лхагвасүрэнгийн Насан-Очир – Silicon power компаний нэрэмжит шагнал
Бүтээлийн нэр: Droid Tracker
Бүтээлийн товч танилцуулга: Таны гар утасны сим карт солигдох үед таны програмд оруулж өгсөн дугаар болон цахим хаяг руу мессеж болон э-шуудан илгээж ямар операторын, ямар сериал дугаартай сим карт байгааг мэдэж авах боломжтой. Мөн таны утас нь байгаа газрын байршлыг тогтоож, явсан газруудыг газрын зураг дээр дүрсэлж харуулах болно.
Ашигласан технологи, шинэлэг тал: Сервер талын вэб сайт нь энгийн вэб хөтөч дээр ажиллахаас гадна, бүх төрлийн интернетэд холбогдсон төхөөрөмжөөс утасныхаа байршлыг мөрдөж, яг одоо байгаа сим картны мэдээлэл болон байршлыг цаг алдалгүй авах боломжтой юм байна.
Сервер талд:
-Програмчлалын хэл: Ruby1.9.3
-Фреймуорк: Ruby on Rails 3.2.9
Клиент талд:
-Програмчлалын хэл: Жава
-Төхөөрөмж: Android 2.3
Холбоо барих:
Утас: 88001963
Имэйл: nasaaskii@gmail.com
Интерфэйс :

Зураг 1 :Нэвтрэх  дэлгэц

Зураг 2 : Вэбийн ерөнхий дэлгэц