УИХ-ын гишүүн Д.Ганбат чуулганы хуралдаанд үг хэлж, асуулт асуулаа. Тэрбээр саяхан гаднын хэвлэлээр гарсан мэдээлэлтэй холбоотойгоор тодруулсан юм. 

Тэрбээр "Ямар ч байсан Ерөнхий сайд, Засгийн газартай болж байх шиг байна. Сайн тал руугаа явж байна гэж харж байна. Баянхонгороос анхны Ерөнхий сайд гарч байна. Танхимд зургаа өлгүүлэх боллоо. Бүгд л хүчин зүтгэлээ.

Гаднын хэвлэлээс юмаа мэддэг болж. The Times дээр юу гарсан юм бэ? Үнэн юм уу, худлаа юм уу? Монгол Улсын нэр хүндэд нөлөөлөхөөр юм байна. Энийг хэн мэддэг юм? Асуумаар байна. МАН-ынхан гэж гаднын хэвлэлээр ярихгүй шүү дээ. Монгол Улс л гэж ярина. Энийг нэг тайлбарлаад өгөөч” гэсэн юм.

Түүний асуултад УИХ-ын дарга Б.Амарбаясгалан “Гаднын хэвлэлд гарсан зүйлийн талаар тайлбар хийх эрхтэй хүн энэ танхимд байхгүй” гээд УИХ-ын чуулган түр завсарласныг зарлалаа. Удахгүй шинэ сайд нар тангаргаа өргөнө.