Өнөөдөр буюу арваннэгдүгээр сарын 13-ны пүрэв гарагт Өмнөд Солонгосын нисэх онгоцны буудлуудад онгоц хөөрөх, буухыг хэсэг хугацаанд хориглоно. 

Тодруулбал тус улсын их сургуулийн элсэлтийн шалгалтыг өнөөдөр орон даяар зохион байгуулж буйтай холбоотой юм. 

Энэ шалгалт нь улсын хэмжээнд боловсролын салбарын хамгийн том үйл явдалд тооцогддог тул ийм зохицуулалт хийдэг. 

Онгоц хөөрөх, буухыг орон нутгийн цагаар 13:05-13:40 цагийн хооронд хязгаарлана. Энэ үеэр англи хэлний сонсголын шалгалт явагдана. 

Иймд шалгалт өгч буй сурагчдад саад болохгүйн тулд бүх нисэх онгоцны буудалд онгоц хөөрөх, буухыг хязгаарладаг. 

Энэ жилийн хувьд нийт 554,174 хүн элсэлтийн шалгалтад бүртгүүлсэн нь сүүлийн долоон жилийн хугацаан дахь хамгийн олон хүн бүртгүүлсэн явдал болжээ. 

Шалгалт өгөх хүмүүсийн дийлэнх нь 2007 оны суралцагчид байгаа нь тухайн жилд "алтан гахай" жил тохиосон тул төрөлтийн түвшин маш өндөр байсантай холбоотой аж. 

Эх сурвалж: Korea Times