Даага насны морьдын уралдаан болж морьд бариандаа орж ирлээ. Айргийн тавд хурдалсан морьдын уяачдын сэтгэгдлийг хүргэж байна.

Аман хүзүү: Дундговь аймгийн Луус сумын аймгийн алдарт уяач Э.Улаанхүү "Төрийнхөө наадмын цэнхэр хашаанд дахиад орох өдөр байжээ. Хул халзан даага минь аман хүзүүдлээ. Дундговь аймгийн Хулд сумын аймгийн алдарт уяач Б.Ариунболд ахын маань унаган даага байгаа юм. Ноднин намар эхээс гарахад нь надад бэлгэнд өгч байсан. Энэ жил би ганцхан даагатай төрийн их наадамд оролцож байна" гэв. 

Дашрамд түүний даагыг унаж уралдуулсан хүүхэд нь Э.Улаанхүү уяачийн төрсөн хүү юм.

Айргийн гурав: Хөвсгөл аймгийн Бүрэн сумын аймгийн алдарт уяач Л.Ганболд "Ганц даагатай ирсэн. Өнөөдөр бас манай унаач хүү Б.Бат-Оршихын төрсөн өдөр тохиож байна. Дүүдээ төрсөн өдрийн мэнд дэвшүүлье. Төрсөн өдрийнхөө өглөө бялуугаа үлээгээд дотроо юу хүсэв гэхэд “Түрүүлээсэй” гэж хүслээ гэж ярьж байлаа. Төрийнхөө наадамд сайхан айрагдлаа. Баяртай байна” гэв.

ДЭЛГЭРЭНГҮЙ ҮЗЭХ: