“Буянт-Ухаа-1” хорооллын орон сууцны захиалгын бүртгэлд бүртгүүлж, журмын шаардлага хангасан иргэдийг сугалаагаар тодруулах ажиллагаа тавдугаар сарын 10-ны бямба гаригийн 10.00-13.00 цагт, 11-ний ням гаригийн 10.00-14.00 цагт МҮОНТВ-ийн 2 дугаар сувгаар олон нийтэд шууд дамжуулах болсныг Төрийн орон сууцны корпорациас мэдээллээ.

Тус хороололд орон сууц авахаар хүсэлт гаргасан нийт иргэдийн материалыг нэгтгэн шаардлага хангаж буй эсэхийг нягтлан шалгах ажиллагаа дууссан бөгөөд иргэд сугалаанд оролцох эрхтэй болсон эсэхээ энд дарж  өөрийн бүртгэлийн хуудасны кодыг оруулан шалгаж болно.

Журмын шаардлага хангасан, захиалгын хүсэлт гаргагчдын тоо нь тухайн төрийн албан хаагч болон зорилтот бүлгийн иргэдэд хуваарилах орон сууцны тооноос илүү гарсан бол  сугалаа явуулж, орон сууц худалдан авах гэрээ байгуулах эрх хожигчийг тодруулах юм байна.