#MobileLegends 1 сая ам.долларын шагналын сантай "M6 World Championship" тэмцээнд Монголын "The MongolZ", монгол тоглогчтой "Geekay Esports" баг оролцоно.

Moonton-оос албан ёсоор зохиодог Mobile Legends-ын дэлхийн аварга шалгаруулах тэмцээн Малайзын нийслэл Куала Лумпур хотод маргааш эхэлнэ.

1 сая ам.долларын шагналын сантай "M6 World Championship" тэмцээний хамгийн эхний буюу "Wildcard" шатанд Монголын "The MongolZ" баг оролцоно.

Wildcard шатанд найман баг хоёр хэсэгт хуваагдсан ба Монгол баг "Б" хэсэгт Зүүн Европын "Insilio", Вьетнамын "Legion Esports", Бразилын "RRQ Akira" багуудтай тоглоно. Хэсгийн хамгийн өндөр оноотой нэг баг үндсэн шатанд шалгарахын төлөө нөгөө хэсгийн тэргүүн багтай тоглоно.

• Mobile Legends-ийн шигшээ багуудын ДАШТ-д Монголын баг 5-8-р байр эзлэв
• Mobile Legends-ын шигшээ багуудын ДАШТ өнөөдөр эхэлнэ
• АРВАННЭГДҮГЭЭР САРЫН СПОРТ: Электрон спортын дэлхийн аваргууд болно

Энэ оны нэгдүгээр сард байгуулагдсан The MongolZ баг есдүгээр сард болсон "ESN National Championship 2024" тэмцээнд "IHC Esports" багийг хожсоноор M6-д оролцох эрхээ авсан билээ.

The MongolZ-ын эхний тоглолтын хуваарь:

•  2024.11.21. 20:00. The MongolZ - RRQ Akira
• 2024.11.22. 14:00. The MongolZ - Insilio
• 2024.11.23. 16:00. The MongolZ - Legion Esports

IHC Esports нь өнгөрсөн жилийн дэлхийн аварга шалгаруулах тэмцээн буюу "M5 World Championship" тэмцээнд "Team Lilgun" нэрээр оролцож үндсэн шатанд шалгаран 13-16-р байрыг эзэлж байв.

Мөн энэ удаагийн тэмцээнд The MongolZ багт тоглож байсан Баатархүүгийн "Xeno" Анандын шинэ бага болох "Geekay Esports" баг Wildcard шатны "А" хэсэгт тоглоно.