АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээлттэй тавьжээ. МАН-аас Монгол Улсын Ерөнхийлөгч Ухнаагийн Хүрэлсүхийн төрсөн дүү Ухнаагийн Отгонбаяр УИХ-ын сонгуульд зүүн бүсэд нэр дэвшиж байна. Ах нь Төрийн тэргүүн болсноос хойш олон нийтэд ил гарч ирсэн түүний анхны сонгууль нь энэ. 

У.Отгонбаяр нь Ерөнхий сайдын Бүсчилсэн хөгжлийн асуудал эрхэлсэн зөвлөхийн албатай, Сүхбаатар аймгийн Улаанбаатар хот дахь Нутгийн зөвлөлийн тэргүүний сонгуульт ажилтай. Тэрбээр МУИС-ийг Улс төр судлаач мэргэжлээр төгссөн. Австрали улсад Бизнесийн удирдлагын магистр хамгаалсан. Төрийн албанд мэргэжилтнээс эхлэн 10 гаруй жил ажилласан туршлагатай, 46 настай. Түүний жилийн орлого 12 сая, гэр бүлийн орлого 36 сая төгрөг.

Хөрөнгө орлогын мэдүүлгээс:

• Нийтийн орон сууц- 3
• Зуслангийн байшин- 1
• Авто зогсоол- 2
• Дуусаагүй барилга гэх мэт бусад хөрөнгө- 1 /Үл хөдлөх хөрөнгийн нийт үнэлгээ 2.3 тэрбум төгрөг/
• Тээврийн хэрэгсэл- Жийп болон туулах чадвар өндөр Toyota Land Criuser 300- 1, Жийп болон туулах чадвар өндөр Lexus RX 350- 1 /Нийт үнэлгээ 403 сая төгрөг/
• Мал аж ахуй- Хурдан удмын адуу- 10 /үнэлгээ 50 сая төгрөг/
• Газар- Эзэмших-400м2-1, Эзэмших-699м2-1, Эзэмших-700м2-1 /үнэлгээ 35 сая төгрөг/
• Үнэт эдлэл- 105 сая төгрөг
• Хадгаламж, харилцах дансны үлдэгдэл- 160 сая төгрөг
• Компани нөхөрлөл хоршоонд оруулсан хөрөнгө оруулалт- Журамт анд ХХК /50 хувь/, Эрдэнэс тавантолгой ХК /1072 ширхэг/

Эх сурвалж: АТГ