Их эзэн Чингис хааны мэндэлсний 850 жилийн ойд зориулсан үндэсний бөхийн барилдаан Монгол бөхийн өргөөнд зохион байгуулагдлаа.

Анх удаа зохион байгуулагдаж буй барилдааныг нээж Монгол Улсын Ерөнхий сайд Н.Алтанхуяг үг хэлж, үлгэр жишээ найрал хөгжим төрийн дуулал эгшиглүүлснээр хүчит бөхийн барилдааны нэгдүгээр даваа эхэлсэн юм. Тавын даваа эхлэхэд Монгол Улсын Ерөнхийлөгч Ц.Элбэгдорж бөхийн өргөөнд ирж барилдааныг тухлан үзсэн юм. Барилдаанд улсын арслан Г.Эрхэмбаяр, отгон арслан П.Бүрэнтөгс, улсын гарьд Ж.Бат-Эрдэнэ, улсын заан Б.Соронзонболд, Ч.Санжаадамба, улсын харцага Ө.Бат-Орших, Т.Өсөх-Ирээдүй, Ц.Содномдорж нараар тэргүүлсэн 256 бөх зодоглосон.

Барилдаанд Архангай аймгийн Хашаат сумын харьяат улсын заан Ч.Санжаадамба түрүүлж, Хөвсгөл аймгийнТосонцэнгэл сумын харьяат улсын харцага Ц.Содномдорж үзүүрлэлээ.

Тавын даваа

1. Г.Эрхэмбаяр у.а - Х.Мэндбаяр а.а
2. П.Бүрэнтөгс у.а - Ш.Шинэбаяр а.х.а
3. Б.Соронзонболд у.з- О.Гантулгаа.х.а
4. Ч.Санжаадамба у.з - М.Еркебулана.а
5. Ө.Бат-Орших у.х - Л.Цэрэнтогтох а.а
6. Т.Өсөх-Ирээдүй у.х - Ж.Чулуунбат у.н
7. Ц.Содномдорж у.х - Л.Шинэбаатар а.а
8. Э.Энхбат у.н - Б.Пүрэвсайхан а.а туналаа

Зургаагийн даваа

1. Г.Эрхэмбаяр у.а - О.Гантулгаа.х.а
2. П.Бүрэнтөгс у.а - Б.Пүрэвсайхан у.н
3. Ч.Санжаадамба у.з - Т.Өсөх-Ирээдүй у.х
4. Ө.Бат-Орших у.х - Ц.Содномдорж у.х туналаа

Долоогийн даваа

1. Г.Эрхэмбаяр у.а  - Ц.Содномдорж у.х
2. П.Бүрэнтөгс у.а - Ч.Санжаадамба у.з туналаа

Наймын даваа

1. Ч.Санжаадамба у.з - Ц.Содномдорж у.х

Б.Ирээдүй