-Мэдэхэд илүүдэхгүй-

Бидний амьдран суугаа энэ хөх цэнхэр дэлхий ертөнцийн мөхлийн талаар одоо цагт аль дуртай нь тэгнэ ингэнэ, тэдэн жилийн дараа эсвэл бүр маргааш гэж ярих болсон билээ.  Тэгвэл саяхан АНУ -ын нэртэй нэгэн физикч дэлхийн сүүлчийн өдрийн тухай маш сонин мэдэгдэл хийжээ. Түүний өгүүлснээр манай гариг ертөнц зарим нэг кино зохиолд гардаг шиг харийнхан хийгээд, солироос болж мөхөхгүй бөгөөд илүү хор хөнөөлтэйгөөр есөн мянган жилийн дараа устана гэжээ.

Тэгэхдээ нар шатаж дуусан зүгээр л нэг хар нүх болох гэнэ. Улмаар хавь ойрынхоо хамаг гариг биетүүдийг сорон дотроо ямар ч цаг хугацаа, орон зай, амьдралгүй, зүйл болж хувирах юм байх.

Энэ мэдэгдлийг АНУ-ын эрдэм шинжилгээний хүрээлэн, Сансар судлалын агентлаг ихэд сонирхож тусгай төсөл боловсруулан ажилдаа орсон гэнэ. Дашрамд дурьдахад энэ мэдэгдэл нь зөвхөн физикийн шинжлэх ухаан дээр суурилсан юм байна.

Хүн үнэхээр бичнээс үүсээгүй гэж үү
Оросын нэрт эрдэмтэн Эрнист Мулдашевийн "Хүн бичнээс үүсээгүй" хэмээх мэдэгдэл дэлхий нийтийг цочроосон билээ. Тэгвэл энэ мэдэгдэл нь ор үндэсгүй хоосон хийрхэл биш аж.

Энэ нь эрдэмтний олон жилийн нөр их хөдөлмөр нотлох баримтууд дээр тулгуурлаж байгаа юм байна. Мулдашевийн өгүүлж байгаагаар хүн бичнээс огт үүсээгүй бүр Африк тивд анх бий болсон нь үндэслэлгүй зүйл гэнэ. Түүний үзэж байгаагаар өнөөгийн ухамсарт хүн харийнхны оролцоотойгоор анх Түвд, Лхас, Балба хавиар үүссэн бөгөөд буддын шашинтай нягт холбоотой аж.

Эрдэмтний судалгааны гол бай нь буддын шашин хийгээд түүний түүх хүний нүд юм байна. Мөн нүд бол хүний хамгийн их мэдээллийг хадгалж байдаг эрхтэн гэнэ.