Эрүүл мэндийн яамнаас мэдээлэл хийж байна.

ЭМЯ-ны Шуурхай удирдлагын газрын дарга Д.Нарангэрэл, Улсын хэмжээнд өчигдөр 270 хүн ажиглалтад орж, 360 хүн ажиглалтаас гарсан. Сөүлийн онгоцоор өчигдөр 257 хүн ирснээс сэжигтэй 5 хүнийг ХӨСҮТ-д тусгаарласан.

Тусгаарлалтад буй иргэдийн дунд 0-5 насны хүүхэд 64, жирэмсэн эх 28, архаг хууч өвчтэй 38 хүн байна. 

ДЭМБ-ын мэргэжилтэн О.Ариунтуяа, Дэлхийн хэмжээнд халдвар авсан хүний тоо 8 сая давсан ба 75 хувь нь сүүлийн хоёр сард бүртгэгдлээ.

Их Британийн судлаачдын судалгаагаар өргөн хэрэглээний Дексаметазон эм коронавирусийн халдварын хүнд болон маш хүнд хэлбэрийн хэрэглэхэд үр дүнтэй нь тогтоогдлоо. Энэ эмийн эмчилгээг ДЭМБ хүлээн авлаа. Энэ эмийн амьсгалын аппаратад орсон хүнд хэрэглэнэ.

ХӨСҮТ-ийн ерөнхий захирал Д.Нямхүү, 6-р сарын 17-ны өдөр 363 хүний сорьцонд шинжилгээ хийхэд 359 хүнд коронавирус илрээгүй. Сөүлийн тусгай үүргийн онгоцоор ирсэн 257 иргэнээс коронавирус илрээгүй.

Харин Алтанбулагийн боомтоор ирсэн Беларусийн 4 жолоочоос коронавирус илэрлээ. Энэ хүмүүс 33, 36, 40, 59 настай. Жолооч нарыг ХӨСҮТ рүү авчирч байна.

ХӨСҮТ-ээс 16 оюухүн эдгэрч, гарлаа. 18-65 хоног эмчлэгдээд гарлаа. 19-23 насны 15, 35 настай нэг оюутан байна.

Монгол Улсад коронавирусийн халдвартай 201 хүн батлагдаж, 127 хүн эдгэрлээ. ХӨСҮТ-д 74 хүн эмчилгээнд байгаагаас 5 хүн хүндэвтэр байна гэв.