Төр, нийгмийн нэрт зүтгэлтэн, Монгол Улсын Ерөнхий сайд асан Ж.Наранцацралт зуурдаар нас нөгчсөнд түүний гэр бүл, үр хүүхэд, төрөл төрөгсдөд Иргэний Хөдөлгөөний намын мянга, мянган гишүүд, дэмжигчдийн өмнөөс гүн эмгэнэл илэрхийлж байна. Монгол Улсад ардчилсан нийгмийг байгуулах их үйлсэд ухамсарт бүхий л амьдралаа зориулж ирсэн Ж.Наранцацралт агсны уйгагүй хөдөлмөрч, хүнлэг сайхан чанарыг сэтгэл зүрхэндээ мөнхлөн дурсаж явах болно.
Иргэний Хөдөлгөөний Нам

Монгол улсын Ерөнхий сайд асан, Улсын Их Хурлын гишүүн, БХБ-ын сайдын үүрэг гүйцэтгэгч, төр нийгмийн зүтгэлтэн Ж.Наранцацралт зуурдаар нас нөгчсөнд түүний гэр бүл үр хүүхэд, төрөл төрөгсдөд Иргэний Зориг Нам гүн эмгэнэл илэрхийлье. 
Монгол улсад ардчилсан нийгмийг байгуулах үйлсэд анхнаас нь гар бие оролцон, газрын харилцааг боловсронгуй болгоход бүхий л хүч чадлаа зориулж ирсэн Ж.Наранцацралт агсны эгэл даруу, хүнлэг энэрэнгүй, шударга, хөдөлмөрч зан чанарыг үүрд санан дурсах болно.

Иргэний Зориг Нам