Агаарын тээврийн салбарт хамгийн томд зүй ёсоор тооцогдох компаниудын нэг Боингийн сүүлийн загвар болох 787 Dreamliner зорчигч тээврийн онгоцны үйлдвэрлэл асар их алдагдалтай байгаа аж.

Боинг 787 Dreamliner онгоцны судалгаа, хөгжүүлэлт, үйлдвэрлэлд 32 тэрбум ам. доллар зарцуулжээ

Үйлдвэрээс гарч байгаа онгоц бүр 30 сая ам. долларын алдагдалд оруулж байгаагийн гол шалтгаан нь тусгай материал болох титан юм. Бат бөх, хөнгөн чанартай энэхүү материал нь хөнгөн цагаан ашигласнаас даруй долоо дахин өндөр өртөгтэй тусдаг юм байна.

Харин компани титаны хэрэглээг багасгаж байгаагийн гол шалтгаан нь одоо 260 сая ам. доллароор зах зээлд нийлүүлж байгаа онгоцныхоо үнийг тогтвортой барих юм. Тэдэнд үнээ нэмэх боломж байхгүй.

Иргэний агаарын тээврийн онгоц гэдэг үйлдвэрлэж байгаа эхний хэдэн жилдээ зардлаа нөхөж чаддаггүй аж. Учир нь онгоцыг бүтээх, загварчлах гээд олон ажилд оролцсон чадварлаг мэргэжилтнүүд, инженерүүдэд оруулсан хөрөнгө оруулалт буцаж дансанд орох гэж удна.

Өнөөдрийн байдлаар Боинг 787 Dreamliner онгоцны судалгаа, хөгжүүлэлт, үйлдвэрлэлд 32 тэрбум ам. доллар зарцуулжээ. Харин компани зардлаа нөхөх явцыг түргэвчлэхийн тулд хамгийн боломжтой аргуудаас хэрэглэх гэж байгаагийн нэг нь титан ашиглалтыг бууруулах юм.

Гэсэн хэдий ч Европ дахь Боингийн том өрсөлдөгч Airbus илүү үр дүнтэй ажилласаар байгаа. Карбон ашиглан бүтээсэн А350 онгоц болон хямд өртөгтэй А330neo онгоцнууд Боингийн бүтээлээс түлш зарцуулалт бага, үнийн хувьд ойролцоо.

Ийм учраас Боинг илүү түлш зарцуулдаг шинэ онгоцныхоо үнийг нэмж чадахгүй байгаа хэрэг. 

Эх сурвалж: