Сагсан бөмбөг сонирхон үздэг хүүхэд, залуусын тоо улам нэмэгдсээр байна. Энэ гайхалтай спортыг сонирхож эхэлж байгаа залууст зориулаад тамирчдын байрлалын талаар товч өгүүлье.

БАЙРЛАЛ 1. POINT GUARD БУЮУ ХОЛБОГЧ

Баг дотроо бөмбөгийг хамгийн сайн эзэмшдэг, дамжуулалт сайн өгдөг хүн энэ байрлалд тоглодог. Бусад спортоор жишээ авбал хөлбөмбөгийн плеймейкер, америк хөлбөмбөгт квотербэк, хоккейн төвийн довтлогчтой зүйрлүүлж болно. Одоогийн шилдэг холбогчид гэвэл Крис Пол, Кайри Ирвинг, Рассель Устбрук, Стефан Карри, Жон Уолл, Ражон Рондо нарыг дурдаж болно. Энэ байрлалын тоглогчид ихэвчлэн 183-193 см өндөртэй байдаг.

Холоос шиддэг хүчний довтлогчид энэ байрлалынхны үүргийг өөрчилжээ

Харин 206 см Мэжик Жонсон түүхэн дэх хамгийн өндөр холбогчид тооцогддог аж. Намхан холбогч гэвэл Нэйт Робинсон (175), Магси Богз (160), Ирл Бойкинс (165) нар байна. Сүүлийн жилүүдэд энэ байрлалын Д.Рөүз, Ж.Уолл, К.Ирвинг нар драфтын ¹1-ээр сонгогдсон нь багийн дасгалжуулагчид холбон тоглогчдод ихээхэн ач холбогдол өгөх болсныг харуулна.

БАЙРЛАЛ 2. SHOOTING GUARD БУЮУ ДОВТЛОГЧ-ХАМГААЛАГЧ

Багийн хамгийн сайн шидэлттэй тамирчин энэ байрлалд тоглодог. Тэд дунд болон алсын зайнаас ихэнх оноогоо авна. Мөн бөмбөг залах, дамжуулах техник өндөр байх шаардлагатай. Хэрвээ сайн shooting guard-тай бол холбон тоглогчийн ачаа нэлээд хөнгөрдөг.

Энэ байрлалын тоглогчид ихэвчлэн 193-201 см байдаг. Гэхдээ 183 см өндөр Айверсон хамгаалагчийн байрлалд сайн тоглодог байсныг санахад илүүдэхгүй. Энэ байрлалын хамгийн гол төлөөлөгч нь алдарт Майкл Жордан. Мөн Коби Брайант, Дуэйн Уэйд, Рей Аллен, Трэйси Макгрейди, Винс Картер зэрэг оддыг дурдаж болно. Дээхнэ Б.Энхжин ЗГМ үеийнхний гол төлөөлөл нь Оскар Робертсон, Жерри Уэст, Клайд Дрекслер, Режи Миллер юм.

БАЙРЛАЛ 3. SMALL FORWARD БУЮУ ХӨНГӨН ДОВТЛОГЧ

Энэ байрлалын тоглогчид оролт хийх, нэгийн дамжуулалтаар тохох, данк хийх зэргээр ихэнх оноогоо авч, самбарт ойрхон тоглодог болохоор хурдтай, хүчтэй байх шаардлагатай. Биеийн өндөр нь ихэвчлэн 203-211 см байх нь бий. Мөн тухайн тоглогчоос универсаль байхыг шаарддаг болохоор холбогч, хамгаалагчийн байрлалд ч тоглох хэрэг гарна. Одоогийн оддоос дурдвал Леброн Жеймс, Кармело Энтони, Кевин Дюрант нар. Өмнөх үеийнхэн гэвэл Лэрри Бёрд, Скотти Пиппенийг дурдаж болно.

БАЙРЛАЛ 4. POWER FORWARD БУЮУ ХҮЧНИЙ ДОВТЛОГЧ

Төвийн тоглогчийн хамт самбарт ойрхон тоглодог хүчирхэг бие бялдартай залуусыг ийн нэрлэдэг. Тэд ойрын болон дундын зайнаас ихэнх оноогоо авахаас гадна хамгаалалтын гол ноён нуруу болно. Хүчний довтлогч нар 203-213 см байх нь түгээмэл. Гэхдээ биеийн өндөр тийм ч чухал биш. 198 см өндөр Ч.Баркли энэ байрлалд ямар сайн тоглож байсныг санахад илүүдэхгүй биз ээ.

Одоо үеийн гол төлөөлөл нь Блейк Гриффин, Дрик Новицки, Энтони Дэвис, Дрэймонд Грийн байна. Харин өмнөх үеийн оддын тухайд Боб Петит, Деннис Родман, Карл Мэлоун, Тим Данкан… гээд хөвөрнө. Гэхдээ сүүлийн үед Д.Новицки, К.Лав, К.Порзингис, Р.Андерсон зэрэг дундаас болон алсын зайнаас оновчтой шиддэг хүчний довтлогчид энэ байрлалынхны үүрэг, оролцоог өөрчлөөд байгаа. БАЙРЛАЛ

5. CENTER БУЮУ ТӨВИЙН ТОГЛОГЧ

Ерөнхийдөө багийн хамгийн өндөр залуус энэ байрлалд тоглодог. Тэд ихэвчлэн 213 см- аас өндөр байдаг. Тэд будагтай талбайд ихэвчлэн зогсож, бөмбөгний төлөө бусад багийн том залуустай түлхэлцэнэ. NBA-гийн түүхэнд К.А.Жаббар, У.Чемберлен, Б.Рассель, П.Юинг, Х.Олажьювон, Д.Робинсон, Шакил О’Нил нарын үе үеийн шилдэг төвийн тоглогчид гялалзаж байлаа. Харин өдгөө Д.Каузинс, Д.Жордан, М.Газоль, Д.Ховард, Х.Уайтсайд нарын залуу тэдний орыг залгахын төлөө хөдөлмөрлөж байна. 

Б.Энхжин