2024 оны Зэрэг олгох сургалтын тэтгэлэгт хөтөлбөрийн хүрээнд 1-р ээлжийн 15 магистрын хөтөлбөрт элсэлт авч эхэллээ.

КОЙКА-гийн зэрэг олгох сургалтын төсөл нь дэлхийн 90 орны төрийн албанд ажиллаж буй шилдэг албан хаагчдыг сонгон шалгаруулж, БНСУ-ын Их дээд сургуулиудад магистр болон докторын зэрэг олгох тэтгэлэгт хөтөлбөр юм.

Энэ удаа зарлагдсан 15 магистрын хөтөлбөрийн талаарх дэлгэрэнгүй мэдээллийг КОЙКА-гийн сургалтын хөтөлбөр болох CIAT-ийн вэб сайтын (https://www.koica.go.kr/sites/ciat/index.do) Menu - Stay Connected - Notice хэсгээс авах боломжтой бөгөөд КОЙКА-гийн сургалтын төслийн удирдамж болон анкетыг дараах линкээс татаж авахыг хүсье. (https://shorturl.at/juSZ4)

Тэтгэлэгт хөтөлбөрт горилогч нь 2024 оны 2-р сарын 13-ний Мягмар гариг хүртэл КОЙКА-гийн сургалтын анкет болон гадаад паспортын хуулбарыг харьяа байгууллагын нэр дэвшүүлсэн албан тоотын хамт Сангийн яаманд хүргүүлнэ. Заасан хугацаанаас хойш материалыг хүлээн авахгүй болохыг анхаарна уу.