Аризона мужид  өндөр настай нэгэн эмэгтэй автомашиныхаа жолоодлогыг алдаж ойролцоох салоныг цөм мөргөн осол гарчээ.

Хяналтын камерын бичлэгт алтлаг Лексус автомашин зогсоолын хашлага даван, Beastly Beauty Waxing-ийн урд  цонхыг  мөргөн, хүлээн авах хэсгийг дайран зогсож буй нь харагдах аж. Өөр нэгэн хамгаалалтын камерын өнцгөөс харахад үүдний хэсэгт буйдан дээр сууж байсан эрэгтэйгээс холгүй зайд ирээд зогсжээ. Азаар хүн өртөөгүй бөгөөд 90 настай эмэгтэй жолооч хөлдөө бага зэргийн гэмтэл авчээ.

Яг тухайн мөчид салоны эзэн, үйлчлүүлэгчийнхээ үсийг засаж байсан Эшли Аптон эсрэг талын хананы цаана байсан ба энэ талаар "Өнөөдөр намайг бурхан ивээсэн гэж бодож байна. Хэн ч гэмтэж бэртээгүйд талархъя" гэжээ.

Орон нутгийн мөрдөн байцаагчдын хэлж буйгаар эмэгтэйг зогсоол дээр байхдаа жолоодлого алдсан хэмээв.

Эх сурвалж: Today