Их, дээд сургуулиуд ши­нээр элсэгчдэд элсэлтийн журмаа танилцуулж эхэлжээ. Манай сонин өмнөх дугаа­руу­даараа МУИС, ШУТИС, МУБИС, СЭЗДС-ийн гаргасан элсэл­тийн журмыг хүргэсэн билээ.

Өчигдөр Худалдаа, үйлд­вэрлэлийн дээд сургуулийн шинэ хичээлийн жилийн эл­сэл­тийн журам ямар байгааг сонирхов. Эдийн засгийн мэ­дээлэл зүй, үйлдвэрлэлийн менежмент, нягтлан бодох бүртгэл, даатгалын эдийн засаг, банкны эдийн засаг, санхүүгийн менежмент, олон улсын худалдаа, аялал жуулч­­лал, зочид буудал, зоо­гийн газрын менежмент зэрэг ангиудтай энэ сургуульд ши­нээр элсэх оюутны тоо хяз­гаар­тай. Уг сур­гуулийн сур­галт эрхэлсэн дэд захирал доктор Н.Должингийн хэлж буй­гаар 500 оюутан нэмж эл­сүүлэхээр төлөвлө­сөн ч эц­сийн шийдвэр гараа­гүй гэнэ. 2017 он хүртэл магадлан итгэмжлэгдсэн энэ сургууль шинэ хичээлийн жилд хич­нээн оюутан шинээр элсүү­лэхийг БСШУЯ шийдэх учир­тай аж.

Нөгөөтэйгүүр, математик, англи хэлний гүнзгийрүүлсэн сургалттай лицей, мэргэжлийн сургалт үйлдвэрлэлийн төв­тэй юм байна. Лицейд арав, арван­нэг­дүгээр ангийн 60 сурагч элсүүлэх гэнэ. Харин сургалт үйлдвэрлэлийн төв нь нярав, тогооч гэсэн хэд хэдэн ангитай бөгөөд суралцагсдыг бүртгэж эхэлжээ.

Худалдаа үйлдвэрлэлийн дээд сургуулийн санхүү эдийн засгийн ангид залуус суралцах хүсэлтэй байдаг нь сургуулиа төгсөөд мэргэж­лээрээ хаана ч гологд­доггүйг илтгэдэг. Тэ­гээд ч энэ чиг­лэлээр цөөн тооны мэдлэгтэй боловсон хүчин бэлтгэдэг болоод ч сургуульдаа хам­гийн эрэлт­тэй ангид тоо­цогд­дог гэсэн. Эдгээр ангид су­рал­цахыг хүсвэл матема­тик, англи хэлний мэдлэгээ шал­гуу­лах болох нь.

Өнгөрсөн онд энэ сур­гууль реклам сурталчилгааны менежмент гэсэн шинэ ангийг нээжээ. Монголын хөдөлмө­рийн зах зээлд эрэлттэй гэсэн судалгааг үндэслэн нээгдсэн энэ анги чамгүй олон оюу­тантай болсон гэнэ. Түүнчлэн ирэх шинэ хичээлийн жилд нэмж хоёр шинэ ангитай болохоор хэдийнэ төлөв­лөжээ. Эдийн засгийн эрх зүйч, эдийн засгийн сэтгэл судлаач гэх эдгээр ангийг шинээр нээх саналаа БСШУЯ-нд хүргүү­лээд байгаа аж. Харин огт эрэлт хэрэг­цээгүй, оюутан элсдэггүй анги тус сургуульд одоогоор байх­­гүй. Өнөө жил Худалдаа, үйлдвэрлэлийн дээд сур­гуулийг дээрх мэргэжлүүдээр 700 гаруй оюутан төгсөх аж.

Жил бүр элсэлтийн ерөн­хий шалгалтын өмнө их, дээд сургуулиуд сургал­тын­хаа төлбөрийг нэмж, эцэг, эхчүүд төдийгүй элсэгчдийг багагүй бухимдуулдаг. Сан­хүү, эдийн засгийн чиглэлээр мэргэжил­тэн бэлтгэдэг тус сургууль ирэх хичээлийн жилийн эхэнд сургалтын төлбөрөө нэмэ­хээр болсон байна. Одоогоор анги, дам­жаа бүрийн сургал­тын төлбөр харилцан адилгүй ч жилийн төлбөр 420-470 мянган төг­рөгийн хооронд хэлбэлздэг ажээ. Энэ үнэ ирэх шинэ хичээлийн жилд хэд хүрэх нь удахгүй тодор­хой болно.

Ч.Ану