ХӨСҮТ-өөс улаанбурхан өвчний талаар мэдээлэл хүргэж байна:

Улаанбурхан өвчний 1065 тохиолдол батлагдлаа. Одоогоор 8405 нь эдгэрч эмнэлэгт 646, гэрээр 1014 хүүхэд эмчлүүлж байгаа бөгөөд долоон хүүхэд өвчний улмаас нас баржээ.

Эмнэлэгт 2025 оны зургаадугаар сарын 27-ны байдлаар эмнэлэгт хэвтэн эмчлүүлж байгаа 646 хүн байна. Эдгээр хүмүүсийн 536 нь хүндэвтэр буюу дийлэнх нь байна.

Насны хувьд 10-14 насныхан хамгийн их бүртгэгдсэн. 6-8 сартай, вакцины нас болоогүй буюу вакцин хийлгээгүй хүүхдүүд хүндэрч байна.

Улаанбурхан өвчнөөс урьдчилан сэргийлэх хамгийн гол арга бол вакцинжуулалт. Товлолын дархлаажуулалтад ороогүй хүүхдүүдийг нөхөж дархлаажуулах, батлагдсан тохиолдлын хавьталд 72 цагийн дотор вакцинжуулна.

Нийслэлийн эрүүл мэндийн газрын халдварт өвчний хэлтсийн дарга З.Болормаа:

Эрчимжүүлэх ажил 2025 оны зургаадугаар сарын 23-с долоодугаар сарын 9 хүртэл явагдана.

Энэ ажлын хүрээнд нөхөн дархлаажуулалт болон нэмэлт дархлаажуулалтыг есөн дүүргийн 150 өрхийн эрүүл мэндийн төвүүд уртасгасан цагаар буюу 17:00-21:00 цагийн хооронд ажиллаж байна. Мөн амралтын өдрүүдэд 10:00-18:00 цагийн хооронд ажиллана.

Өрхийн эрүүл мэндийн төвүүд энэ хугацаанд хоёр багаар ажиллаж байна. Нэгдүгээр баг нь ӨЭМТ дээр уртасгасан цагаар ажиллаж байгаа бол хоёрдугаар баг явуулын буюу хаалганаас хаалганд ажиллаж байна.

Эцэг эх, асран хамгаалагчид та бүхэн хүүхдийнхээ дархлаажуулалтын  мэдээллийг нягталж, вакцинд дутуу хамрагдсан байвал яаралтай өрх, сумынхаа эрүүл мэндийн төвд хандаж нөхөн дархлаажуулалтад хамрагдах боломжтой.