УИХ-ын гишүүд Засгийн газрын шинэ гишүүдээс асуулт асууж байна.

УИХ-ын гишүүн З.Мэндсайхан "Ховд аймгийн Мянгад суманд сүүлийн гурван өдрийн турш иргэд ААН-ийн хооронд мөргөлдөөн боллоо. Цагдаа нар юу ч хийсэнгүй, хараагүй, үзээгүй мэт байв. Иргэд газрын ховор элементийг олборлох энэ төслийг дэмжихгүй байгаа тул энэ төслийг зогсоож өгнө үү. Би Ховд аймгаас сонгогдсон гишүүний хувьд Уул уурхайн шинэ сайдтай хамт газар дээр нь очиж ажиллах хүсэлтэй байна.

Та бүхнийг урьж байна. Өмнөх Ерөнхий сайд Л.Оюун-Эрдэнэ нутгийн иргэдийн хүсэлтээр шийднэ гэсэн байр суурьтай байсан" гэв. 

Ерөнхий сайд Г.Занданшатар "Иргэд энэ төслийг биш тэгш бус хуваарилалтыг эсэргүүцсэн болов уу. Аймгийн, сумын Засаг дарга нар эрх мэдлээ хэтрүүлдэг тохиолдол бий" гэв. Аж үйлдвэр, эрдэс баялгийн сайдад нэр дэвшигч Г.Дамдинням "Нийгмийн лицензээ авахгүйгээр ул уурхайн төсөл эхлүүлэх хэцүү. Олон улсын компани Увс аймагт энэ чиглэлд амжилттай ажилласан туршлага бий. Бид шинжлэх ухааны үндэслэлтэйгээр асуудлыг шийдэх нь зөв" гэж хариуллаа. 

Мөн УИХ-ын гишүүн Б.Пүрэвдорж "Ерөнхий сайд Л.Оюун-Эрдэнэ энэ төслийг эхлүүлэх үүргийг сайд нартаа өгдөг байв. ХБНГУ-д айлчлахдаа энэ төслийг эхлүүлэхээ мэдэгдэж байв. Иймд хөрөнгө оруулагчдын хүлээлтийг тодорхой болгох үүднээс Ерөнхий сайд энэ төслийн талаар байр сууриа их тодорхой илэрхийлэх хэрэгтэй байна" гэв.