Цагдаагийн байгууллагад өнөөдөр /2025.08.18/ Сүхбаатар дүүргийн 8 дугаар хорооны нутаг дэвсгэр, Боловсролын яаманд сэтгүүлч хүн зодож байна гэх дуудлага мэдээлэл иржээ.

Энэ дагуу Сүхбаатар дүүргийн цагдаагийн газрын нэгдүгээр хэлтэст бүртгэлд авч, шалгалтын ажиллагааг явуулж байна. Зодоонд оролцсон гэх хоёр тал хоёул гомдол гаргаад байна гэж цагдаагийн байгууллагаас мэдээлэв.

Өнөөдөр багш нар цалингийн асуудлаар тус яамны байранд уулзалт зохион байгуулсан. Энэ үеэр сэтгүүлч асуулт асуухад микрофоныг нь булааж авснаар энэхүү зодоон эхэлсэн нь тухайн үеийн шууд дамжуулалтын бичлэгт үлджээ.