Хейдельбергийн их сур­гуулийн эрдэмтэд Леонардо да Винчигийн алдарт зургийн нэг болох Мона Лизагийн хөрөг дээрх эмэгтэй хэн бо­ло­хыг олж тогтоосон байна.

Лиза Герардиний гэх уг эмэг­тэй Флоренцийн худалдаачин Францеско дель Жокондогийн эхнэр аж. Худалдаачин тэмдэглэлийн дэвтэр хөтөл­дөг байсныг эрдэмтэд судал­сан байна. Энэ тухай “Рой­терс” агентлаг мэдээлэв. Зураа­чийн танил байсан Флорен­цийн­ худалдаачны тэмдэглэ­лийг судлахад. Лео­нар­до да Винчийг эртний Грекийн ал­дарт уран зураач Апеллестай харьцуулсан нь олджээ. Ингэх­дээ худалдаа­чин тэм­дэг­лэхдээ Лео­нар­до да Винчи гурван зураг дээр ажиллаж байгааг дурь­даад түүний нэг нь Лиза Герар­диний хөрөг юм хэмээн онц­лон тэмдэглэсэн байжээ. Энэ­хүү нээлтийг хийснээр Германы эрдэмтэд Мона Лиза гэдэг эмэгтэй хэн болох тухай оньсогыг эцэс­лэн шийд­­вэрлэсэн байна. Урьд нь урлаг судлаачид янз бүрийн онол гаргаж байсан агаад зураачийн нууц амраг, түүний эх, тэр байтугай өөрий­гөө зурсан хэмээн үзэж байжээ. Их сур­гуулийн эрдэм­тэн уг дүгнэл­тийг хоёр жилийн өмнө нээ­сэн аж. Гэвч олон нийтэд энэ тухай зөвхөн уржигдар зарла­сан байна.