Хүний хөгжлийн сангаас иргэн бүрт 1,5 сая төгрөгийг олгохоор 2008 онд шийдвэрлэсэн. Үүнтэй холбоотой тайланг Хөдөлмөр халамж үйлчилгээний хэлтсээс хийлээ.

Ингээд иргэн бүрт 2010 онд 120 мянга, 2011 онд 252 мянга, 2012 оны эхний 5-н сард 105 мянга /6-р сард 23,0 мянга/, нийт 500 мянган төгрөгийн хишиг, хувийг cap бүр 21 мянган төгрөг олгох хэлбэрээр бэлнээр олгожээ.

Харин үлдсэн сая төгрөгийн хувьд ахмад настан, хөгжлийн бэрхшээлтэй иргэдэд гурав хувааж олгохоор болсон. Үүнээс дөрөвдүгээр сард олгох 330 мянган төгрөгийг улсын хэмжээнд бүрэн  олгож дууссан бол дараагийн 670 мянгыг   ойрын хугацаанд олгохоор төлөвлөжээ.

Бусад иргэний хувьд өмнө нь бэлэн бусаар хишиг, хувиа хүртсэнээс шалтгаалан "Эрдэнэс Таван толгой" хувьцаат компанийн 1072 ширхэг хүртэл хувьцааг эзэмших болсон.

Засгийн газарт нэрлэсэн үнээр хувьцаагаа худалдах иргэдийн хүсэлтийг тавдугаар сарын 07-20-ны хооронд хүлээн авахад нийт 1 сая 532 мянган иргэн хувьцаа худалдах хүсэлт гаргажээ.

“Эрдэнэс Таван толгой” ХК-ны хувьцааг худалдах, иргэн бүрт хувьцаа эзэмшүүлэх, иргэдийн хувьцааг Засгийн газар худалдан авах үйл ажиллагааг зохицуулах журам өчигдөр батлагдан гарсан. Журмаар иргэн хувьцаа эзэмшихтэй холбоотой дараахь асуудлуудыг шийдлээ. Үүнд:

-Хувьцаагаа Засгийн газарт худалдах хүсэлт гаргаагүй иргэний хүсэлтийг нөхөж хүлээн авахгүй.

-Өмнө нь Засгийн газарт хувьцаагаа худалдах хүсэлт гаргасан иргэн шийдвэрээ өөрчлөн хувьцаагаа эзэмшихээр хүсэлтээ илэрхийлбэл хүсэлтийг 2012 оны наймдугаар сарын 01-ний өдөр хүртэл хүлээн авахаар боллоо. Ийм хүсэлт гаргасан иргэн одоогоор 5 мянга орчим байна.

-Засгийн газарт хувьцаагаа худалдах хүсэлт гаргасан оюутан, ахмад настан, хөгжлийн бэрхшээлтэй иргэн шийдвэрээ өөрчилж, сургалтын төлбөр болон нэг сая төгрөгөө авах хүсэлт гаргавал 2012 оны наймдугаар сарын 01-ний өдөр хүртэл хүлээн авахаар болжээ. Одоогоор ийм хүсэлт ирүүлсэн мянга орчим иргэн байна.

-Хэрэв иргэн хүсвэл өмнө нь бэлэн бусаар хүртсэн хишиг, хувийн мөнгөө буцаан төлсний үндсэн дээр хасагдаж тооцогдсон хувьцаагаа эзэмшиж болно гэсэн. Тухайлбал: Оюутны сургалтын төлбөр 500 мянга эсвэл 330 мянган төгрегөө авсан хөгжлийн бэрхшээлтэй болон ахмад настан иргэн шийдвэрээ өөрчилж хувьцаа эзэмших хүсэлтээ гаргавал мөнгөө буцаан төлж түүнд ноогдох хувьцаагаа эзэмшинэ гэсэн үг.

Судалгаагаар хувьцаагаа худалдах хүсэлт гаргаагүй болон хувьцааныхаа тодорхой хэсгийг худалдаж, үлдэх хувийг эзэмшихээр болсон нийт 1 сая 238 мянган иргэн байгаа ажээ.

Эдгээр иргэдийн "Хүний хөгжил" сангийн дэвтэрт " Эрдэнэс Таван толгой" хувьцаат компаний эзэмшиж байгаа хувьцааны тоо, хөрөнгийн дүнг бичиж, баталгаажуулах ажил улс орон даяар эхэлсэн байна. Гэхдээ эхний ээлжинд "Үнэт цаасны төлбөр тооцоо төвлөрсөн хадгаламжийн төв"-өөс баталгаажуулан ирүүлсэн, хүний хөгжил сангийн 1072 ширхэг хувьцаагаа /нэг сая төгрөг/ бүтнээр нь эзэмшиж байгаа 750 мянган иргэний дэвтэрт бичилт хийх гэнэ. Дараагийн удаад өмнө нь бэлэн бусаар хишиг, хувиа хүртсэнээс шалтгаалан 1072-оос бага хувьцаа эзэмшиж байгаа иргэдийн дэвтэрт үе шаттайгаар бичилт хийж, баталгаажуулахаар болжээ.

Энэ ажил он дуустал үргэлжилнэ. Иргэн Та "Хүний хөгжил сан"-гийн дэвтэрт хувьцааны бичилт хийлгэхээр харьяалагдах сум, хорооны халамжийн нийгмийн ажилтанд дэвтрээ өгөхдөө өмнө нь бэлэн бусаар хишиг, хувиа хүртэж байсан жагсаалттайгаа танилцаж гарын үсэг зурна. Түүний дараа нийгмийн ажилтан дэвтрийг хурааж авч   бичилтийг хийж нэгдсэн журмаар баталгаажуулан иргэнд буцаан өгөх учиртай.

Ингээд иргэд, олон нийтээс тавьж буй түгээмэл асуултуудад хэрхэн хариулсныг та бүхэнд хүргэе.

Асуулт1.
Би 60 настай ахмад настан байна. Хувьцаагаа Засгийн газарт зарж бэлэн мөнгө болгох хүсэлтэй хүмүүсийн өргөдлийг авч байна гэхээр нь очоод өргөдлөө гаргасан чинь бурууджээ. Бидэнд дахиад 1,0 сая төгрөг өгч байгаа юм байна гэж ойлгосон. Одоо өргөдлөө буцааж аваад ахмад настанд олгож буй 1,0 сая төгрөг авах хүсэлтээ гаргамаар байна. Болох уу?
Хариулт:
Та 2012 оны 8 дугаар сарын 1-ны өдрөөс өмнө сум хорооны нийгмийн ажилтандаа хандаж буцаан авч болно. Та ахмад настан, болон хөгжлийн бэрхшээлтэй иргэд олгож байгаа 1,0 сая төгрөг авах өргөдөл гаргах боломжтой.

Асуулт 2.
Хувьцааны талаархи ойлголт, мэдлэггүйгээсээ болж сонголтоо буруу хийж эзэмшиж буй хувьцаагаа Засгийн газарт худалдах өргөдөл гаргасан байгаа. Одоо энэ өгсөн өргөдлөө буцааж авъя, өөрөөр хэлбэл, хувьцаагаа эзэмших хүсэлтэй байна, болох уу? Хаана, хэнд хандах вэ?
Хариулт:
Та 2012 оны наймдугаар сарын 1-ны өдрөөс өмнө сум хорооны нийгмийн ажилтандаа хандаж буцаан авч болно.

Асуулт 3
Би хөдөөний 2-р курсын оюутан байна. Сургалтын төлбөрөө ХХС-аас төлүүлнэ гээд өргөдлөө өгсөн байсан. Гэтэл ээж маань 1,0 сая төгрөг дахиад нэмж өгч байгаа юм байна гэж ойлгоод нутагтаа миний өмнөөс 1072 хувьцаагаа зарж бэлэн мөнгө авъя гэсэн өргөдөл өгсөний улмаас миний сургалтын төлбөр ХХС-аас шилжих эсэх нь тодорхойгүй хүлээж байна. Сургалтын төлбөрөө ХХС-аас шилжүүлэх боломж байгаа юу?
Хариулт:
Та 2012 оны наймдугаар сарын 1-ны өдрөөс өмнө сум хорооны нийгмийн ажилтандаа хандаж буцаан аваад оюутаны сургалтын төлбөр хүссэн өргөдөл гаргах боломжтой.

Асуулт 4.
Би 2 жил дараалан сургалтын төлбөрөө ХХС-аас шилжүүлсэн. Тэгэхээр одоо намайг
хувьцаа эзэмшихгүй гээд байх юм. Үнэн үү?
Хариулт:
Тийм та бүх хувьцаагаа ашиглан сургалтын төлбөр болон эрүүл даатгалын шимтгэл төлсөн.

Асуулт 5.
Би 1-р курсын оюутан. Энэ жил ХХС-аас сургалтын төлбөрөө шилжүүлсэн, хувьцаагаа засгийн газарт зарах хүсэлт гаргаагүй. Одоо надад хэдэн хувьцаа байгаа вэ?
Хариулт:
/491960:933=527 хувьцаа хасагдаад 1072-527=545 хувьцаа эзэмшинэ/

Асуулт 6.
Би ноднин сургуулиа төгссөн, сургалтын төлбөрөө ХХС-аас нэг жил төлүүлсэн. Бас ЭМДШ төлсөн, хувыдаагаа засгийн газарт зарах хүсэлт гаргаагүй. Надад хувьцаа
байгаа юу? Хэд?
Хариулт:
508040:933=544 хувьцаа хасагдаад 1072-544= 528 хувьцаа эзэмшинэ/

Асуулт 7.
7/ Хишиг хувиа огт аваагүй байгаа хүн дараагийн шинэ Засгийн газрын үед авч
болох уу?
Хариулт: Болно

Асуулт 8.
Миний 1072 хувьцаа эзэмшиж байгааг яаж баталгаажуулах вэ?
Хариулт:
Засгийн газрын тогтоолын 3-т заасны дагуу хүний хөгжил сангийн дэвтэрт бичилт хийж баталгаажуулах юм.

Асуулт 9.
Хүний хөгжил сангийн дэвтэрт эзэмшиж буй хувьцааг нь бичиж, баталгаажууулна гээд байна. Би АТМ-ээс 21,0 мянгаа авахаар карт нээлгэтэл дэвтрийг маань банк авчихсан өгөөгүй. Одоо дэвтрээ банкнаас авъя гэвэл өгөх үү?
Хариулт:
Эзэмшиж буй хувьцааны бичилттэй хийхтэй холбоотой "Хүний хөгжил сан"-ийн дэвтэрээ банкууд иргэдэд буцаан олгож байгаа.

Асуулт 10.
Манай ах малчин юмаа. 2011 онд ХХС-аас 8040 төгрөгийг ЭМДШ-д төлсөн. Одоо манай ах хэдэн хувьцаатай юм болоо?
Хариулт:
8040:933=8 хувьцаа хасагдаад 1072-8=1064 хувьцаа эзэмшинэ

Асуулт 11.
Шинээр төрсөн болон нас барсан хүнд хишиг хувийн мөнгийг ямар хугацаагаар
тооцож өгөх вэ?
Хариулт:
2012 оны 4 сарын 12-оос хойш төрсөн хүүхэд 128,000 төгрөгийн хишиг хувийн мөнгө авах эрх нь үүснэ. 2012 оны 01 сарын 01-ээс хойш нас барсан шинэчилсэн бүртгэлд хамрагдсан иргэн энэ онд хувиарлагдсан 128,000 төгрөг авах юм.

Асуулт 12.
2012 оны 4 дүгээр сарын 11-ний өдрөөс хойш нас барсан хүний 1072 хувьцааг өв
залгамжлагчид нь шилжүүлж болох уу?
Хариулт: Болно.

Асуулт 13.
Иргэний шинэчилсэн бүртгэлд хамрагдаж хурууны хээгээ өгсөн, нэр баталгаажаагүй гээд мөнгөө авч чадахгүй байна. 6-р cap дуусаад, сонгууль өнгөрсөний дараа миний мөнгийг өгөх үү?
Хариулт:
Та ахмад настан, болон хөгжлийн бэрхшээлтэй иргэд олгож байгаа 1,0 сая төгрөг авах өргөдөл гаргах боломжтой

Асуулт 14.
2012 оны 12 дугаар сард 60 нас хүрэх юмаа. Ахмад настанд өгч буй 1,0 сая төгрөгөө
авч болох уу?
Хариулт:
Та ахмад настан, болон хөгжлийн бэрхшээлтэй иргэд олгож байгаа 1,0 сая төгрөг авах өргөдөл гаргах боломжтой

Асуулт 15.
1,0 сая төгрөгөө авч байгаа ахмад настан болон хөгжпийн бэрхшээлтэй иргэнд
дахиад 536 ш хувьцаа байгаа юу?
Хариулт:
Байхгүй танд бүх хувьцаатай тэнцэх мөнгө олгогдож байгаа тул танд хувьцаа үлдээгүй.

О.Ариунбилэг