Баримт шалгах төв, өмгөөллийн "Фиделитас Партнерс" хувь нийлүүлсэн нийгэмлэгтэй хамтран дараах байдлаар баримт шалгалт хийжээ.

Нийгмийн халамжийн тухай хуульд заасанчлан “бүрэн болон хувь тэнцүүлсэн тэтгэвэр авах эрх нь үүсээгүй” хүмүүс л халамжаас тэтгэвэр авдаг.

Хувь тэнцүүлсэн тэтгэвэр гэдэг нь 10-20 жил тэтгэврийн даатгалын шимтгэл төлсөн хүмүүс нийт хугацаандаа ногдох өндөр насны тэтгэврийг хувь тэнцүүлэн тогтоолгож авахыг хэлнэ.

Бүрэн тэтгэвэр гэдэг нь нийтдээ 20-иос доошгүй жил тэтгэврийн даатгалын шимтгэл төлсөн, 65 нас хүрсэн хүний тэтгэврээ тогтоолгохыг хэлжээ. Харин 20-иос доошгүй жил шимтгэл төлсөн бөгөөд 60 нас хүрсэн эрэгтэй, 55 нас хүрсэн эмэгтэй даатгуулагч өөрөө хүсвэл өндөр насны тэтгэвэр тогтоолгон авч болно гэж хуульд заасан.

Энэ хоёр эрх үүсээгүй буюу 10-аас доош жил тэтгэврийн даатгалын шимтгэл төлсөн, эсвэл огт төлөөгүй эрэгтэй 60 нас, эмэгтэй 55 нас хүрсэн иргэн халамжийн тэтгэвэр болох 288 мянган төгрөгийг сар бүр авах боломжтой.

Ингэж халамжийн тэтгэвэрт гарсан хүмүүс хэсэг хугацааны дараа бүгд бүрэн тэтгэвэртээ хамрагдах боломжгүй. Харин маш цөөн хувь нь бүрэн буюу хувь тэнцүүлсэн тэтгэврийг дахин тогтоолгож авах тохиолдол бий.

Дараах тайлангаас уншаарай https://mfcc.mn/factcheck-458/