Өмнөд Солонгосын жүдо бөхийн шигшээ баг Монгол Улсад хамтарсан бэлтгэл хийхээр энэ сарын 1-д ирсэн. Шигшээ багийн 33 тамирчин болон дасгалжуулагчийн багийнхан Монголын жүдочидтой туршлага солилцон Спортын төв ордонд бэлтгэл хийж байна.

Энэ үеэр Монголын жүдо сонирхогчдын дунд танил болсон олимпын мөнгө, хүрэл медальт, дэлхийн аварга, 28 настай Ан Баултай ярилцлаа.

Монголд анх удаа ирсэн тэрээр "Монголын бүхий л тамирчдын барилдаан өөр. Гэхдээ монгол жүдочдын золгоо их хүчтэй байдаг нь миний сурах гэж ирсэн зүйлсийн нэг.

Монголд ирэхээс өмнө хүйтэн гэж таамаглаж байсан ч цаг агаар сайхан байна. Энэ жил болох Улаанбаатарын их дуулгад оролцох сонирхолтой байгаа ч хэн оролцохыг дасгалжуулагч шийднэ" гэв.

Өмнөд Солонгосын шигшээ баг энэ сарын 13-ыг дуустал буюу 11 хоногийн хугацаанд Монголд бэлтгэл хийх юм.