Гэр ахуйн орчин үеийн, дэгжин, романтик, чанартай бараа бүтээгдэхүүнийг үйлчлүүлэгч нартаа санал болгодог "English Home Mongolia" дэлгүүрийн шинэ салбар өнөөдөр УИД-ийн 4 давхарт нээгдлээ.

Монголын анхдагч гэр ахуйн франчайз гэдгээрээ онцлог "English Home Mongolia" дэлгүүр нь манай улсад гэр ахуйн бараа бүтээгдэхүүний шинэ соёлыг түгээж буй. Дээд зэргийн чанар, интерьер дизайны шийдэл бүхий бараа бүтээгдэхүүнийг нэг дороос авах боломжийг худалдан авагч нартаа олгодог.

"English Home" дэлгүүр анх 2009 онд Бүгд Найрамдах Турк улсад гурван салбартайгаар нээгдэж, үйл ажиллагаагаа явуулж эхэлсэн. Тэгвэл өнөөдрийн байдлаар Турк улсад 259 салбар дэлгүүр, олон улсын хэмжээнд дэлхийн 28 улсад 388 салбараа нээн өргөжсөн байна.

"Манай улсын хувьд 2021 онд "English Home" дэлгүүрийн 111 дэх салбарыг Naadam center-т нээсэн бол өнөөдөр ийнхүү хоёр дахь том салбараа хотын төвд нээж, үйлчлүүлэгч нартаа ойртлоо. Манай дэлгүүрийн нэг онцлог нь загварлаг, трэнд болж буй бүтээгдэхүүнийг улирал тутамд санал болгодог. Бүх юм стандартын дагуу явагддаг бөгөөд шинэ салбарын нээлттэй холбогдуулан Турк улсаас мэргэжилтнүүд ирж, өрөлт хийсэн" гэдгийг Номин Хоум стайлийн борлуулалт импортын менежер, English Home Mongolia дэлгүүрийг хариуцсан менежер Б.Золбоо хэллээ. 

Шинэ салбарын нээлтийн ёслолын ажиллагаанд сүүлийн хоёр жилийн хугацаанд "English Home Mongolia" дэлгүүрийн албан нүүр царай болж буй дуучин Ану буюу Ч.Уранхолбоо оролцлоо. Тэрбээр "Анх би тус дэлгүүрийн хэрэглэгч байсан. Анти-стресс гэсэн нэртэй дэр, хөнжил хамгийн их таалагддаг. Ажлаа хийхээс гадна ээжийн үүргээ гүйцэтгэж завгүй, ачаалалтай стресстэх үе зөндөө бий. Энэ үед "English Home Mongolia" дэлгүүрийн анти-стресс дэр, хөнжлийг хэрэглэдэг байв. Маш үр дүнтэй, чанартай бүтээгдэхүүн. Үүнийг ээжүүдэд хүргэх юмсан гэсэн бодолтой байхад дэлгүүрийн зүгээс хамтын ажиллагааны санал тавьсан. Тэлгүүрийн үйл ажиллагаанд туйлын сэтгэл хангалуун байдаг Монгол Улсад гэр ахуйн 7000 гаруй бараа бүтээгдэхүүн оруулж ирж, эхчүүд бидний цаг хугацааг хэмнэж байна. Мөн ахуйн хэрэглээний бүтээгдэхүүний соёлыг нэг шатаар ахиулж буй. Гэр бүлийн амьдралд өнгө нэмдэг ийм хамт олонтой хамтарч ажиллаж байгаадаа баяртай байна" гэлээ.

Naadam center-ийн салбараас та хүссэн бараа бүтээгдэхүүнээ Store pay ашиглан дараа төлөх нөхцөлтэйгөөр, хүүгүй, урьдчилгаагүй, зээлээр авах боломжтой аж. Харин өнөөдөр шинээр нээгдсэн салбарын хувьд Omniway аппликейшнийг ашиглан 4-8 хуваан зээлээр худалдан авах боломжтой, Номин бонус карт уншдаг гэдгээрээ давуу талтай.

"English Home Mongolia" дэлгүүрээс та Европ маягтай, орчин үеийн дизайны шийдэлтэй гэр ахуйн бараа бүтээгдэхүүнүүдийг хямд үнээр авах боломжтой гэдгийг тэрбээр мөн онцоллоо. Тухайлбал тус дэлгүүрийн бараа бүтээгдэхүүнүүд 3999 төгрөгөөр эхэлдэг байна. Харин өнөөдөр шинэ салбарын нээлтийн өдөртэй холбогдуулан УИД-ийн 4 давхарт байрлах "English Home Mongolia" дэлгүүрийн бүх бараа 20 хувийн хямдрал зарласан юм. Мөн өнөөдөр 69,999₮-өөс дээш худалдан авалтад сугалаатай бөгөөд гурван азтан шалгаруулна.