Гэмт хэргээс урьдчилан сэргийлэх Азийн сангийн  XII бага хурал Улаан­баатар хот­ноо болж байгаа билээ. Гэмт хэргээс урьдчи­лан сэргийлэх Азийн сан нь гэмт хэргээс урьдчилан сэр­гийлэх эрүү­гийн бодлого, практик болон хамтын ажил­лагааг үр дүнтэй хөгжүүлэх замаар Ази болон дэлхий дахинд тогтвортой хөгжил, энх тайвныг хангах бэхжүүлэхэд дэмжлэг үзүү­лэх зорилготой. 1982 онд байгуулагдсан олон улсын төрийн бус байгуул­лага юм. Сангийн төв нь Японд  байр­ладаг. Харин ги­шүүн ор­нуу­дын салбар сан­гууд Ази, Номхон далайн улс орнуудад байрладаг. НҮБ-д ерөн­хий зөвлөх эрхтэйгээр үйл ажил­лагаа явуулдаг олон улсын байгууллага юм.

Уржигдар эхэлсэн бага хурлыг Хууль зүй, дотоод хэр­гийн яам, Улсын ерөнхий про­курорын газартай хамтран зохион байгуулж байгаа бө­гөөд өнөөдөр өндөрлөнө. Мөн гэмт хэргээс урьдчилан сэр­гийлэх Азийн сангийн Олон улсын захирлуудын уулзалт ч өнөөдөр болох юм билээ.

Тус хуралд Гэмт хэргээс урьд­чилан сэргийлэх Азийн сан­­­гийн захирлуудын зөв­лө­лийн дарга Минору Шикита, Гэмт хэргээс урьдчилан сэр­гий­­лэх Монголын сангийн ерөн­­­­­­хийлөгч Д.Одбаяр нар орол­­цож байна. Мөн НҮБ-ын Ман­­сууруулах бодис, гэмт хэр­­­­­гийн асуудал эрхлэх газ­рын Ази, Номхон далай, Зүүн Азийн бүс нутгийн төвийн ах­лах шинжээч Кейсуке Сента нарын дотоод, гадаадын 20 шахам төлөөлөгч оролцож байна.

Хурлын төгсгөлд орол­цогчид Улаанбаатарын тунхаг бичиг батлан гаргах юм. Энэ­хүү тунхгийг Бразил улсын Сальвадор хотноо 2010 онд болох "Гэмт хэргээс урьд­чилан сэргийлэх ба Эрүүгийн эрхзүй" сэдэвт НҮБ-ын XII  чуулга уулзалтад та­нил­цуу­лах юм билээ. Өчиг­дөр үргэл­жилж байсан Азийн сангийн XII бага хурал­дааны дундуур Азийн сангийн захирлуудын зөвлөлийн дарга Минору Ши­ки­та­гаас зарим зүйлийг тод­руулсан юм.

-Энэ удаагийн хурлыг ямар онцлогтой боллоо гэж үзэж байна вэ?
-Манай хурал хоёр жил ту­там нэг удаа зохион байгуу­лагд­­даг. Мэдээж, хүүхэд, за­луу­­­чуудыг хамруулсан шинэ ту­­­там гэмт хэргийн шинжтэй үйл ажиллагаа эрчимжиж бай­гаа энэ цаг үед Монгол Улсад зо­­хион байгуулагдаж байгаа нь тухайн улсын та­лаар мэ­дээ­­лэл, гэмт хэргээс урьдчи­лан сэргийлэх түвшин тогтоо­ход тустай гэж бодож байна.

-Хурлаар хэлэлцэх асууд­­­­­­­­лаа хэрхэн тогтоодог вэ?
-Өнөөдөр гишүүн орнуу­дад гэмт хэргийн ямар асуу­дал зонхилж байна вэ, түүнийг шийдэхэд ямар арга зохион бай­гуулалт боловсруулах шаард­лагатай эсэхээр хэлэл­цэх асуудал маань тодорхой­лог­доно.

-Дараагийн хурал Бра­зил улсын Сальвадор хот­ноо 2010 онд болох юм байна. Хэлэлцэх асуудлаа тогтсон уу?
-Одоогоор хэлэлцэх шаард­­­­­­­­­лагатай хамгийн чухал асуудал хэмээн дөрвөн чиг­лэлд анхаарал хандуулаад байна. Үүнд нэгдүгээрт, Хүү­хэд, өсвөр үе ба гэмт хэрэг гэ­­­сэн сэдэв бий. Хоёрдугаарт, гэмт хэргээс урьдчилан сэр­гийлэх НҮБ-ын удирдамжийг боловсруулахад хурлын зү­гээс санал оруулах явдал. Гу­равдугаарт, терроризмаас урьдчилан сэргийлэх, түүнийг таслан зогсоох олон улсын баримт бичгийг соёрхон бат­лах, хэрэгжүүлэх ажиллагааг хялбарчлахад техникийн тус­лалцаа үзүүлэх тухай асуу­дал. Хамгийн сүүлд буюу дө­рөв­дүгээрт, цагдан хорих байр­­ны багтаамжийг зохи­цуу­лах талаар бусад орны сайн тур­­­­­шлага, стратеги гэсэн сэд­вээр санал солилцож дүгнэх юм.

-Тэгээд энэ асууд­луудаа хэлэлцүүлээд ямар үр дүн хүлээж байна вэ?
-Гол нь энэ дөрвөн асуу­дал дэлхий нийтийн бэрхшээл болж байна. Өөрөөр хэлбэл, дэлхий нийтийн бэрхшээл болж байгаа асуудлыг Бра­зилд хэлэлцэнэ. Тэгэхээр эдгээр асуудлыг даван туу­лахад дэлхий нийтээр нэгдэх зорилготой байгаа.

Б.Хаш