Эцэг, эхчүүд шинээр мэндэлсэн хүүхдүүддээ хэт гаж, этгээд нэр өгөх нь хавтгайрсан тул Мексикийн Сонора мужийн захиргаа доромж аястай, эсвэл инээдтэй үгсийг нэр өгөхдөө ашиглахыг хориглосон иргэний бүртгэлийн шинэ хууль гаргахаас аргагүй болжээ.

Шинэ хуулиар хориглосон нэрсийн жагсаалтад Гитлер, Рембо, Бургер Кинг, Терминатор, Жеймс Бонд, Бэтмэн болон олон нийтийн сүлжээний нэр тухайлбал Фейсбүүк, Твиттер гэсэн нэрс багтсан байна.Түүнчлэн хэт эх оронч сэтгэлгээтэй нэр өгөхийг ч хоригложээ. Тухайлбал8 өмнө нь Хайрт Сонора, Сонорагийн нар гэсэн нэрс мэр сэр байсан бол одоо шинэ хуулиар ийм нэр өгөх боломжгүй болсон гэнэ.

Ийнхүү шинэ хууль гаргах болсон нь эцэг, эхчүүдийнхээ дур зоргоор, сэтгэл хөдлөлөөр өгсөн нэрнээс болоод хожим нь хүүхэд бусдын дунд элэглэл тохуурхлын бай болохоос сэргийлэхтэй холбоотой гэж албаны эх сурвалж мэдэгджээ.