Эрүүл мэндийн яамнаас эрдэмтэн, судлаачдын судалгааг цувралаар хүргэж буй юм. Энэ удаа Монголын Анагаах Ухааны Академийн гишүүн, Биологийн ШУ-ы доктор профессор Ж.Оюунбилэг “COVID-19 ба вакцин” сэдвийг хөндөн, мэдээлэл өглөө.

Тэрээр, Вакцины судалгаан дээр үндэслээд Биобэлдмэлийн үйлдвэртэй хамтран вакцин үйлдвэрлэх боломжтой. Бид Биотехнологийн үйлдвэр, судалгааны төвтэй гэрээтэй ажилладаг. Тэд идэвхгүйжүүлсэн вакцин гаргасан. Үүнийг дэмжиж ажиллавал бид ч бас вакцин үйлдвэрлэж болно гэсэн юм.

Дэлхий дахинд вакцины судалгаа үр дүн үзүүлж эхэлсэн. Дэлхий дахинд 165-170 вакцины туршилт хийж байна. Үр дүнд хүрэхэд хамгийн ойр буюу гуравдугаар шатанд найман вакцин, бүртгэлээ авсан хоёр вакцин байна. Вакциныг хэрэглэхийн өмнө гурван шатны судалгаа хийнэ.

Вакциныг хэрэглэх шийдвэрийг тухайн улс гаргадаг. Зарим вакцины нэг, хоёрдугаар шатыг хавсарч болдог.

Вакцин бол халдвараас сэргийлэх нэг арга мөн. Бид Вакцин, биобэлдмэлийн улсын хяналтын лабораторийг яаралтай сэргээн байгуулахаар ажиллаж байна хэмээв.

Тэрээр цаашдын зорилт болох дараах гурван зүйлийг танилцуулав. Үүнд:

• Вакцин, биобэлдмэлийн үндэсний хяналтын лабораторийг сэргээн байгуулах,
• Шинэ коронавируст халдварын эсрэг иммунобулины эмнэлзүйн туршилтын төслийг хэрэгжүүлэх,
• НЭМҮТ-ийн Биобэлдмэлийн үйлдвэрийг вакцин хамтран үйлдвэрлэх ажилд оролцуулах багтаж байна.

БИЧЛЭГ: