TOYOTA
Торгон мөч бүрт хамт - цуврал нийтлэл

- Тоёотагийн автомашинд Тоёотагийн албан ёсны сэлбэг -

ТҮЛШНИЙ ШҮҮЛТҮҮР ГЭЖ ЮУ ВЭ?

Автомашины шатахуун нь өөрийн чанар, хадгалалтын орчин, түлшний сав руу орох нөхцөл зэргээс шалтгаалж ямар нэг байдлаар бохирддог. Харин түлшний шүүлтүүр нь шатахууны хог шороо, ус, хорт хаягдлыг шүүж түлш хөлдөх, түлшний насос болон форсунк бөглөрөхөөс сэргийлдэг байна. Ингэснээр цэвэр түлш хөдөлгүүрт хүрч автомашин тань бүрэн хүчин чадлаар урагшилна.

Хэрэв та Тоётоагийн автомашинтай бол “Тоёота Мотор Корпораци” үйлдвэрлэсэн автомашиндаа түлш зарцуулалтыг хэмнэх, хорт хийн ялгаралтыг бага байлгах технологийг нэвтрүүлсэн. Харин энэхүү технологийн хамгийн чухал үүрэг гүйцэтгэдэг эд анги нь түлшний шүүлтүүр юм.

ШҮҮЛТҮҮР ТҮЛШИЙГ ХЭРХЭН ШҮҮДЭГ ВЭ?

Түлшний саванд байгаа шатахуун түлшний насосоор сорогдож хөдөлгүүрт хүрдэг. Ингэхдээ форсункаар дамжин цуглуулагч (collector) руу цацагдаж агаартай холилдоод, холимог болсон түлш хөдөлгүүрийн цилиндрт очдог. Харин түлшний шүүлтүүр насосоос форсункд хүрэх хооронд байрлах ба бохирдол, хаягдал элемент, ус зэргийг шүүн авдаг байна.

ТҮЛШНИЙ ШҮҮЛТҮҮРИЙГ ХЭЗЭЭ СОЛИХ ВЭ?

Таны автомашины загвар, хэрэглээ болон манай улсын түлшний чанараас шалтгаалан шүүлтүүрийг 10-15 мянган км явалт тутамд солих хэрэгтэй. Түлшний шүүлтүүрийг

• Шүүлтүүрийг бүхэлд нь солих
• Доторх элементийг солих

Гэсэн хоёр янзаар сольдог. Доторх элементийг солиход засвар үйлчилгээний зардал харьцангуй бага ба металл хэсэг цөөн ашиглагдах учраас байгаль орчноо хамгаалахад хувь нэмэр оруулах давуу талтай.

ТҮЛШНИЙ ШҮҮЛТҮҮРЭЭ СОЛИХГҮЙ БОЛ ЯМАР ҮР ДАГАВАРТАЙ ВЭ?

Түлшний шүүлтүүр нь хэрэглээний явцад бөглөрч, бохирдлыг шүүх чадваргүй болдог бөгөөд цаг тухайд солих шаардлагатай.

Бөглөрсөн шүүлтүүрийг солихгүй бол түлшний хөдөлгүүрт ирэх хангамж буурч, хөдөлгүүрийн хүчин чадал муудах, автомашин жолоодоход өөрчлөлт орох, мөн түлш зарцуулалтын хэмжээ өөрчлөгддөг.

ТҮЛШНИЙ ШҮҮЛТҮҮРЭЭ ХААНААС АВАХ ВЭ?

Хэрэв та Тоёотагийн автомашинтай бол “Тоёота Мотор Корпораци”-ийн албан ёсны дилер Мөнххада, Таван Богд компаниудаас Тоёотагийн үйлдвэрийн, жинхэнэ шүүлтүүрийг авахыг зөвлөж байна. Учир нь албан ёсны бүтээгдэхүүнтэй төстэй дуураймал шүүлтүүр цөөнгүй. Тэдгээр нь Тоёотагийн шүүлтүүртэй хэлбэр, хэмжээ ижилхэн харагдах боловч бохирдлыг шүүх чадвараараа ялгаатай юм.

ТОЁОТАГИЙН АЛБАН ЁСНЫ ДИЛЕРТ ШҮҮЛТҮҮРЭЭ СОЛИУЛАХ НЬ ДАРААХ ДАВУУ ТАЛТАЙ

1. Тоёотагийн баталгаат түлшний шүүлтүүрийн элемент нь дээд зэргийн нийллэг утсаар хийгдсэн учир бохирдлыг маш сайн шүүж, хөдөлгүүрийг цэвэр түлшээр хангана.
2. Баталгаат шүүлтүүр нь шатахуунд агуулагдаж буй усыг тун сайн шүүх ба зэврэлтээс сэргийлж, хөдөлгүүрийн эдэлгээг уртасгах нөлөөтэй.