Их Британийн “Queen” рок, амьд хөгжмийн хамтлагийн одоо амьд байгаа гишүүдийн нийт хөрөнгийн хэмжээ Их Британийн хатан хааныхаас давжээ.

“Sunday Times” сонины мэдээлснээр “Queen” хамтлагийн гурван гишүүд болох Брайан Мэй, Рожер Тейлор, Жон Динкон нарын хөрөнгө нийлээд 585 сая ам.доллар болсон байна. Ийнхүү тэдний хөрөнгө өсөх болсон шалтгаан нь өнгөрсөн жилийн аравдугаар сард дэлгэцнээ гарсан “Bohemian Rhapsody” кинотой холбоотой аж.

50 сая ам.долларын хөрөнгөөр бүтсэн уг кино дэлхий даяар 1  тэрбум ам.долларын ашиг олжээ. Өнгөрсөн онд “Queen” хамтлагийн гишүүдийн хөрөнгө тус бүр 33 сая ам.доллароор нэмэгдсэн. Тодруулбал, гитарчин Брайан Мэй 209 сая ам.доллар, бөмбөрчин Рожер Тейлор 203 сая ам.доллар, базз гитарчин Жон Динкон 170 сая ам.доллароор үнэлэгдэх хэмжээний хөрөнгөтэй ажээ.

Харин Хатан хаан II Елизабетийн хөрөнгийн хэмжээ 485 сая ам.доллар болсон байна. Тэрээр Их Британийн хамгийн чинээлэг хүмүүсийн жагсаалтыг 1989-1994 онд тэргүүлж байв. Гэвч жагсаалтыг гаргахад тавьдаг шалгуур өөрчлөгдсөнтэй холбоотой энэ байр сууриа алджээ.

“Bohemian Rhapsody” кинонд Фредди Меркюригийн дүрийг бүтээсэн Рами Малек өнгөрсөн жил эрэгтэй гол дүрийн жүжигчнээр Оскар болон Алтан бөмбөрцөгийн шагнал хүртсэн билээ.

Эх сурвалж: Dailymail.co.uk