Зэвсэгт хүчний "Алдар" спорт хороо өнөөдөр 2016-2017 оны хичээлийн нээлтээ хийлээ.

Олимпийн мөнгөн медальт О.Гүндэгмаа, шатрын спортын их мастер Б.Мөнгөнтуул, армийн дэлхийн аварга Б.Чинзориг,Монгол Улсын арслан Д.Ганхуяг, гарьд Б.Гончигдамба, харцага Б.Одгэрэл, Рио-2016 олимпийн наадамд марафонд хурд хүчээ сорьсон Б.Мөнхзаяа, А.Бямбажав нар болон Монгол Улсын гавьяат дасгалжуулагч Л.Ундралбат, А.Гантулга, Ц.Хосбаяр, Ц.Цогтбаяр нарын алдартнууд өнөөдрийн үйл ажиллагаанд ирсэн байлаа.

2016 онд "Алдар" спорт хорооны тамирчид Монголын бүх ард түмний спартакиадад 18 төрлөөр оролцож 82 алт, 52 мөнгө, 30 хүрэл медаль хүртжээ. Рио-2016 олимпийн наадамд О.Гүндэгмаа тэргүүтэй 11 тамирчин өрсөлдсөн бол үндэсний их баяр наадмаар аварга нэг, арслан нэг, харцага хоёр, начин долоо төрөн нийт 11 цолтон төрснийг Г.Өсөхбаяр хурандаа онцолж байлаа.

2016-2017 оны хичээлийн жилийн нээлтийн арга хэмжээг нээж "Алдар" спорт хорооны дарга хурандаа Г.Өсөхбаяр үг хэлэв.