Монголбанкны Мөнгөний бодлогын хороо өнгөрсөн сарын хурлаараа бодлогын хүүг 2 нэгж хувиар нэмж, 12 хувьд хүргэсэн. Үүний нөлөөний талаарх тус банкны дэд ерөнхийлөгч Г.Энхтайван УИХ-ын гишүүдэд хариулав.

“Энэ шийдвэр зээлийн орчинд илт нөлөө үзүүлнэ. Төв банкны бодлогын арга хэмжээ болон бодлогын хүүгийн өөрчлөлтийн нөлөө 3-4 улирлын дараа зах зээлд илэрдэг.  Бодлогын хүү өөрчлөгдөхөөс өмнө зээлийн жигнэсэн дундаж хүү 17.1 хувь байсан.

Бодлогын хүүгийн өөрчлөлтөөс хамаараад  энэ тоо өөрчлөгдөнө. Төв банкны эдийн засагчид тооцоолоход бодлогын хүү 1 хувиар нэмэгдэхэд зээлийн хүүд 0.7 орчим хувийн нөлөө үзүүлдэг гэжээ” хэмээн хариулав.

Мөн тэрээр гадаад валютын албан нөөц, валютын зах зээлд интервенц хийх замаар оролцож буй арга хэмжээний үр нөлөөний талаар мэдээлэл өгсөн.