2011 оноос өмнө их, дээд сургууль төгссөн болон цахимаар тодорхойлолт авч чадахгүй байгаа иргэд биеэр очих шаардлагагүйгээр Монгол Улсад сурч төгссөн бакалавр, магистр, докторын дипломоо E-Mongolia системээр бүртгүүлэх боломжтой болжээ.

Боловсролын яамнаас Дээд боловсролын удирдлагын мэдээллийн системийг 2020 онд нэвтрүүлж их, дээд сургууль төгсөгчдийн бакалавр, магистр, докторын зэргийн дипломын мэдээлэл, лавлагааг E-Mongolia системээр дамжуулан олгодог болсон юм.

Зааврыг дараах бичлэгээс хүлээн авна уу.

Түүнчлэн боловсролын салбарт дараах зургаан төрлийн лавлагааг Төрийн үйлчилгээний нэгдсэн систем буюу E-Mongolia-аар дамжуулан олгож байна. Үүнд:

• Суурь боловсролын гэрчилгээ
• Бүрэн дунд боловсролын гэрчилгээ
• Дээд боловсролын сургалтын байгууллага төгссөн тухай дипломын лавлагаа
• Боловсролын сургалтын байгууллагад суралцаж байгаа тухай тодорхойлолт
• Ерөнхий боловсролын сургуулийн Улсын шалгалтын нэгдсэн дүнгийн хуулбар
• Элсэлтийн ерөнхий шалгалтын лавлагаа.

Эх сурвалж: Боловсролын яам, E-Mongolia