Бидний уламжлалт хүнс болох аарц нь дархлаа сайжруулж, ханиад томуунаас урьдчилан сэргийлэх чухал ач холбогдолтой хүнс юм. Сүү сүүн бүтээгдэхүүн дотроо аарц нь хамгийн их уураг агуулдаг. Тэр дундаа кальцийн агууламж хамгийн өндөртэй, махнаас илүү уураг агуулдаг тул цус төлжүүлэх, биеийн эсэргүүцэл сайжруулах, зарим хорт бодисыг саармагжуулах үйлчилгээтэй. Тиймээс аарцыг хүйтэн сэрүүний улиралд хэрэглэх нь илүү тохиромжтой байдаг. Тухайлбал халуун аарц ууснаар биеийн дулаан нэмэгддэг. Биеийн дулаан нэмэгдсэнээр дархлааны эсүүдийн үйл ажиллагааг идэвхжүүлдэг чухал ач холбогдолтой.

Сүүлийн үед хүмүүс аарцыг чанаж хэрэглэхээс гадна төрөл бүрийн аарц орсон хүнсний бүтээгдэхүүн хийж хэрэглэдэг. Энэ нь мөн адил эрүүл мэндэд чухал нөлөө үзүүлдэг. Аарцыг сүрьеэ, цусны даралт ихсэх, зүрх судасны өвчтэй хүмүүс, жирэмсэн болон хөхүүл эхчүүд, бага насны хүүхэд түлхүү хэрэглэвэл илүү зохимжтой.  Хэрэглэхдээ махан хоол идэхээс 2-3 цагийн өмнө эсхүл 2-3 цагийн дараа хэрэглэвэл илүү тохиромжтой.

Аарцанд уургаас гадна үл орлогдох амин хүчил, кальци, фосфор их агуулагддаг. Энэ нь ясны сийрэгжилтэд эерэг нөлөө үзүүлдэг. Ясны эс нарийсаж, нягт байдлаа алдан хөндий мэт болж яс сийрэгждэг бол аарцанд байгаа амин хүчил нь ясны бат бөх байдлыг нэмэгдүүлж, ясны хугарал цуурал үүсгэхгүй байх гол үзүүлэлтүүдийн нэг болдог.

Тиймээс малчны хотноос ирсэн цэвэр сүүгээр хийсэн Миний Монголын аарцыг хүйтний улиралд өдөр тутамдаа хэрэглэхийг уриалж байна. Аарцаар дархлаажъя.