Шатахууны үнэ нэмэгдсэн. Энэ талаар Аж үйлдвэр, эрдэс баялгийн сайд Ц.Туваан байр сууриа илэрхийллээ.

Тэрбээр:

-Шатахууны үнэ нэмэгдсэн асуудалд импортлогч компаниудын зүгээс валютын ханш өссөн. Энэ нь АИ92 шатахууныг борлуулахад хүнд тусаж байна, тиймээс үнээ нэмсэн гэдэг зүйлийг хэлж байна. Улстөрийн нөхцөл байдал ийм үед нефть импортлогч компаниуд хүлээцтэй байж болох л байсан, би тэгж харж байгаа.

Тэгэхээр энэ асуудалд иргэдийн зүгээс ирж байгаа асуулт, шаардлагад үндэслэн ШӨХТГ-т хандаад, яаралтай авч хэлэлцэх хүсэлт тавьсан. Ажлын цаг дууссан үед, баасан гарагийн орой үнэ нэмсэн. Амралтын өдрөөр холбогдох гэхэд ихэнх нь утсаа аваагүй. “Шунхлай” компанийнхан АИ92 шатахууны хувьд бид алдагдалтай байгаа гэдэг тайлбарыг хэлсэн.

Ард иргэдийн халаастай, мөнгөтэй холбоотой асуудал учраас бид маш яаралтайгаар компаниудтай уулзаад, эргэн мэдээлэл өгнө. Шатахууны үнийг эргээд хэвийн байдалд оруулахаар ажиллана.