Нийслэлийн Засаг Даргын нэрэмжит жүдо бөхийн өсвөр үеийн 2015 оны Улаанбаатар хотын аварга шалгаруулах тэмцээн Спортын төв ордны "А" танхимд өнөөдөр эхэллээ.

Тус тэмцээний жин тус бүрд эхний 8-д шалгарсан тамирчид ирэх сарын 24-26-нд Увс аймгийн Улаангом хотод зохиогдох өсвөр үеийн Монгол улсын аварга шалгаруулах тэмцээнд оролцох эрх авах юм.

Тэмцээнд нийслэлийн дүүргүүдийн спорт хороод, клуб, дэвжээ, ерөнхий боловсролын сургуулиуд зэрэг 70 гаруй байгууллагын 600 тамирчин оролцож байна.

Нээлтийн ёслолын ажиллагаа 15:00 цагт болно.