Эрүүл мэнд спортын сайд Г.Шийлэгдамба эмийн бүртгэлийн шинэчилсэн журмыг Засгийн газрын хуралдаанд оруулжээ. Өмнө нь мөрдөгдөж байсан эмийн бүртгэлийн журмаар шинээр эм бүртгэхдээ хоёр жил хүртэл хугацаагаар судалж байж бүртгэдэг байсан бол журмын шинэчилсэн найруулгаар Эмийн хяналтын хатуу зохицуулалттай Европын холбооны орнуудад үйлдвэрлэгдсэн эмийг шууд оруулж ирэхээр болж байна.

Элэгний С вирусын тухайд 10-15 жилийн дараа элэгний хатуурал хавдар болж тухай өвчнөөр өвчилсөн хүний амийг авч оддог аймшигтай өвчин.

Мөн журамд Монгол Улсад шинээр бүртгэгдэх эмийг заавал гурван улсад бүртгэгдсэн, тухайн улсынхаа бүртгэлд бүртгэгдээд гурваас доошгүй жил хэрэглэгдсэн байх ёстой гэж тусгасан байжээ. Гэтэл 2009 онд Женевт хуралдсан эмийн зохицуулалтын байгууллагын зөвлөмжөөр эмийн хатуу зохицуулалттай Европын холбооны орнууд болон Америк, Япон, Солонгос, Канад зэрэг орнуудад үйлдвэрлэгдсэн эмийг хөгжиж байгаа орнууд шууд бүртгэнэ гэсэн журам гарсан аж.

Энэхүү журмын дагуу эмийн бүртгэлийн журамдаа манай улс нэмэлт өөрчлөлт оруулснаар Европын холбооны эмийн хатуу зохицуулалттай орнуудад үйлдвэрлэгдсэн эмийг шууд бүртгэх боломж нээгдэж байгаа юм байна. Олон улсад бүтээгдэхүүн нь хүлээн зөвшөөрөгдсөн АНУ-ын US. Food and Drug Administraition [US FAS], Европын холбооны Medicines Evaluation Agency [EMEA] болон European Free Trade Association [EFTA] цаашлаад Их Британи, умард Ирландийн нэгдсэн вант улсын Medicines and Heaithcare Products Regulatory, Швейцарийн холбооны улсын Swiss agency for Therapeutic Products, Канад БНСУ-ын Хүнс болон эмийн аюулгүй байдлын яам гэх мэт эмийн хатуу зохицуулалттай эрх бүхий байгууллагаас зөвшөөрсөн болон ДЭМБ-ын эмчилгээний удирдамжид орсон эмийн тухайн байгууллагын албан ёсны вэб сайтад тусгагдсан мэдээллийг үндэслэн улсын эмийн бүртгэлд 30 хоног хүртлэх хугацаанд шууд хэлбэрээр бүртгэхээр журамд тусгасан байна.

Бусад улс орнуудад үйлдвэрлэгдсэн эмийн тухайд журмын энгийн гэсэн хэлбэрт хамааруулан, эмийн дээжийг дотоодын лабораторт шинжилж дүгнэлт гарсны дараа бүртгэнэ.

Эмийг шууд, түргэвчилсэн, энгийн гэсэн гурван хэлбэрээр бүртгэхээр журамд тусгасан бөгөөд шууд болон түргэвчилсэн бүртгэлийн хэлбэрт хамаарах эмийн дээжийг дотоодын лабораторт дахин шинжлэхгүй.

Ингэснээр олны анхаарлын төвд байгаа элэгний С вирусын эсрэг эмийн асуудал шийдэгдэх боломжтой болох юм. Элэгний С вирусын тухайд 10-15 жилийн дараа элэгний хатуурал хавдар болж тухай өвчнөөр өвчилсөн хүний амийг авч оддог аймшигтай өвчин.

Сүүлийн үед энэ өвчнөөр өвчлөх нь нэмэгдэж байгаа нь улам түгшүүр дагуулж байгаа юм. Тухайлбал 2013 оны байдлаар 20-оос дээш насны хүмүүст судалгаа хийхэд судалгаанд хамрагдсан хүмүүсийн 10,7 хувь нь уг вирусээр өвчилсөн байсан байна.

Гурван сая хүн амтай монголчуудын 400 мянга орчим нь Элэгний С вирусээр өвчилсөн гэсэн харамсалтай дүн мэдээ бий.

Ийнхүү эмийн бүртгэлийн журамд нэмэлт өөрчлөлт орсноор 30 хоногийн дотор Монгол Улсын эмийн бүртгэлд дээрх эмийг бүртгэгдэх юм. Уг эмийн талаар товч мэдээлэл өгөхөд АНУ-ын Gilead Sciences компани нь элэгний С вирусийг эмчлэх Sovaldi /Софосбувир/ 400мг шахмал эмийг Канад улсын Patheon Inc үйлдвэрт гэрээгээр үйлдвэрлэжээ.