Арав дахь удаагийн "The International" тэмцээний хоёр дахь өдрийн тоглолтууд өнөөдөр 15:00 цагаас эхэлнэ. E-Sport-ын хамгийн их шагналын сантай, Dota 2-ын хамгийн том тэмцээнд дэлхийн шилдэг 18 багийн 90 тамирчин оролцож байна.

Тэгвэл нийт 90 тамирчнаас хамгийн залуу нь "Team Spirit" багийн "Core" Украины Илля Мулярчук буюу "Yatoro" юм.

2003 оны гуравдугаар сарын 12-нд төрсөн тэрээр өнгөрсөн дөрөвдүгээр сарын 19-нд 11 мянган MMR-т хүрсэн.

Тэрээр "Dota 2 Champions League 2021 Season 2" тэмцээний финалд "Hellbear Smashers" багийн эсрэг "Monkey King" баатраар 23 "kill" хийж мэргэжлийн замналынхаа дээд амжилтыг тогтоож байв.

Анхны TI-даа оролцож байгаа Yatoro 2020 оны арванхоёрдугаар сараас өмнө "Yellow Submarine" багт тоглож байсан.

"Void", "Slark", "Morphling" зэрэг баатрын тоглолтоороо алдартай.

TI10-д оролцож байгаа хамгийн залуу тоглогчид:

1. Yatoro (Team Spirit) - Илля Мулярчук (Украин) - 18 настай /2003.03.12/
2. Nightfall (Virtus.Pro) - Игор Григоренко (Орос) - 19 настай /2002.05.16/
3. Kingslayer (Virtus.Pro) - Иллиас Ганеев (Орос) - 19 настай /2002.04.12/
4. 23savage (T1) - Нуаннара Теерамаханон (Тайланд) - 19 настай /2002.03.27/
5. Collapse (Team Spirit) - Магомед Халилов (Орос) - 19 настай /2002.02.25/
6. Save- (Virtus.Pro) - Витали Мелнич (Молдав) - 19 настай /2002.02.04/