Өнгөрсөн хэдэн хоногийн турш Солонгосын томоохон мэдээний сайтуудаар Монгол дахь GS25-ын тухай мэдээнүүд ар араасаа цувран гарчээ. Монгол дахь GS25 анхны салбараа нээснээс хойш жил гаруй хугацаанд 100 салбар нээсэн нь ямар ч сүлжээ дэлгүүрийн хувьд олон улсад байгаагүй онцгой амжилт болсон юм. Үүнтэй холбоотойгоор тус мэдээнүүдээр дараах утга агуулгатай мэдээг цацсан байна.

“Монголд албан ёсоор нэвтрээд 18-хан сар болж буй GS25 нь аль ч улс орны жишээтэй харьцуулсан хамгийн богино хугацаанд 100 дэлгүүр нээсэн конвениенс дэлгүүр боллоо. Тэд солонгос хоолны соёлыг Монгол хэрэглэгчдэд зориулан нутагшуулах стратегийг хэрэгжүүлж, CAFE25, YouUs зэрэг өөрсдийн бренд бүтээгдэхүүнүүдийг нэвтрүүлсэн нь Монгол хэрэглэгчдэд хамгийн эрэлттэй бараа бүтээгдэхүүнүүд болсон бөгөөд, дэлгүүрүүдийнхээ дэд бүтцээр дамжуулан Монгол хэрэглэгчдэд хэрэгцээт бүхнийг нь хотын өнцөг булан бүрд дайн, хаана ч ая тух мэдрүүлэх олон талын чиг үүргийг гүйцэтгэж байна.”

GS25-ийн Гадаад Бизнесийн Хэлтсийн дарга Хэ-Кён Жон "Монгол дахь GS25 нь COVID-19-ийн нөхцөл байдлыг үл харгалзан, K-convenience дэлгүүрүүдийн асар их өсөлтийг бий болгох боломжийг харуулж байна. GS25 нь Солонгосын соёлыг K-convenience дэлгүүрээс гадна дэлхийд сурталчлах гүүр болж чадна” гэж хэлжээ.