Gogo.mn, Factcheck.mn хамтран олон нийтэд эрүүл мэндийн боловсрол олгох зорилгоор "МEDТүгээ" цуврал нэвтрүүлгийг эхлүүлсэн. Өмнөх дугаарт вакцин тарьж эхэлснээс хойш Монгол Улсад, сошиал хуудаст өрнөсөн ташаа мэдээлэл, зөрүүтэй ойлголтууд, коронавирусний эсрэг вакцинжуулалт үр дүнд хүрсэн үү, вакцин бидэнд үнэхээр хэрэгтэй юу зэрэг сэдвээр клиникийн доктор, профессоруудтай ярилцсан.
Энэ удаагийн дугаарт Ковид-19 халдварын дараах хүндрэл, хам шинжүүдийн талаар АШУҮИС-ийн Цус судлалын тэнхимийн эрхлэгч, Монгол Япон эмнэлгийн Амбулаторийн тасгийн эрхлэгч, Монгол Улсын зөвлөх эмч, Анагаах ухааны доктор, профессор Ц.Одгэрэл, АШУҮИС-ийн Сувилахуйн сургуулийн Бие бялдар судлалын тэнхимийн багш, Анагаах ухааны магистр С.Булганчимэг нартай ярилцлаа.
Ковид-19 халдвараар өвдөөд эдгэрсэн хүмүүст хоёроос дээш шинж тэмдэг илэрч байжээ. Тухайлбал:
1. Ядрах
2. Толгой өвдөх
3. Амьсгал давчдах
4. Үений өвдөлтүүд нийтлэг илэрсэн байна. Эдгээр шинж тэмдгийг арилгахад сэргээн засах эмчилгээ үр дүнтэй байсныг дэлхий дахинд судалгаагаар тогтоосон байна.
АШУҮИС-ийн Цус судлалын тэнхимийн эрхлэгч, Монгол Япон эмнэлгийн Амбулаторийн тасгийн эрхлэгч, Монгол Улсын зөвлөх эмч, Анагаах ухааны доктор, профессор Ц.Одгэрэл "Ковидын дараах хам шинж гэдэг ойлголт өнгөрсөн оны арваннэгдүгээр сараас гарч эхэлсэн. Халдвар авсан хүн хүнд, хөнгөн өвдсөн, нас, таргалалттай болон хавсарсан эмгэгтэй эсэхээс хамаарч шинж тэмдэг янз бүр илэрч байсан. Өвдөөд эдгэрсэн хүмүүсийн 70-80 хувьд ядралт ажиглагдсан.
Мөн вакцин хийлгэсэн, хийлгээгүй хүмүүсийг өвдөөд ирэхэд болон өвдсөний дараа эмчилгээ хийхэд эрс ялгаатай байсан. Өнгөрсөн оны аравдугаар сарын дельта давлагааны үеэр манай улс ард, иргэдээ вакцины 1-2 дугаар тунд хамруулж амжаагүй байсан бол хэцүүдэх байсан" гэв.
Мөн тэрбээр "Ковидын вирус цус бүлэгнэлийг идэвхжүүлдэг. Ковидын халдвар эдгэрсний дараа ч бүлэгнэлийн өөрчлөлтүүд ажиглагдаж байгаа. Энэ бүлэглэл 4 сар гаруйн хугацаанд үргэлжилж байна. Тиймээс цус шингэлэх зайлшгүй шаардлагатай. Гэхдээ эмнэлэгт, эмчид хандаж үзүүлж, цусны түвшнээ тогтоолгож байж эмчилгээ эхлүүлэх хэрэгтэй. Цусны урсгал удаашрах нь эд эрхтэн тэжээлийн дутагдал оруулдаг" гэдгийг онцоллоо.
Харин АШУҮИС-ийн Сувилахуйн сургуулийн Бие бялдар судлалын тэнхимийн багш, Анагаах ухааны магистр С.Булганчимэг "Хурдхан шиг тусаад эдгэрье", "Нэг өвдсөн нь дээр" гэдэг маш өрөөсгөл ойлголт. Өвдөхгүй л байвал сайн. Хөнгөн, хүнд янз бүрийн байдлаар өвдсөн ч эрхтэн тогтолцооны гэмтэл гээд олон хүчин зүйл хүний биед үлдэж байгаа" гэдгийг сануулав.
Gogo.mn, Factcheck.mn хамтран олон нийтэд эрүүл мэндийн боловсрол олгох зорилгоор "МEDТүгээ" цуврал нэвтрүүлгийг эхлүүлсэн. Өмнөх дугаарт вакцин тарьж эхэлснээс хойш Монгол Улсад, сошиал хуудаст өрнөсөн ташаа мэдээлэл, зөрүүтэй ойлголтууд, коронавирусний эсрэг вакцинжуулалт үр дүнд хүрсэн үү, вакцин бидэнд үнэхээр хэрэгтэй юу зэрэг сэдвээр клиникийн доктор, профессоруудтай ярилцсан.
Энэ удаагийн дугаарт Ковид-19 халдварын дараах хүндрэл, хам шинжүүдийн талаар АШУҮИС-ийн Цус судлалын тэнхимийн эрхлэгч, Монгол Япон эмнэлгийн Амбулаторийн тасгийн эрхлэгч, Монгол Улсын зөвлөх эмч, Анагаах ухааны доктор, профессор Ц.Одгэрэл, АШУҮИС-ийн Сувилахуйн сургуулийн Бие бялдар судлалын тэнхимийн багш, Анагаах ухааны магистр С.Булганчимэг нартай ярилцлаа.
Ковид-19 халдвараар өвдөөд эдгэрсэн хүмүүст хоёроос дээш шинж тэмдэг илэрч байжээ. Тухайлбал:
1. Ядрах
2. Толгой өвдөх
3. Амьсгал давчдах
4. Үений өвдөлтүүд нийтлэг илэрсэн байна. Эдгээр шинж тэмдгийг арилгахад сэргээн засах эмчилгээ үр дүнтэй байсныг дэлхий дахинд судалгаагаар тогтоосон байна.
АШУҮИС-ийн Цус судлалын тэнхимийн эрхлэгч, Монгол Япон эмнэлгийн Амбулаторийн тасгийн эрхлэгч, Монгол Улсын зөвлөх эмч, Анагаах ухааны доктор, профессор Ц.Одгэрэл "Ковидын дараах хам шинж гэдэг ойлголт өнгөрсөн оны арваннэгдүгээр сараас гарч эхэлсэн. Халдвар авсан хүн хүнд, хөнгөн өвдсөн, нас, таргалалттай болон хавсарсан эмгэгтэй эсэхээс хамаарч шинж тэмдэг янз бүр илэрч байсан. Өвдөөд эдгэрсэн хүмүүсийн 70-80 хувьд ядралт ажиглагдсан.
Мөн вакцин хийлгэсэн, хийлгээгүй хүмүүсийг өвдөөд ирэхэд болон өвдсөний дараа эмчилгээ хийхэд эрс ялгаатай байсан. Өнгөрсөн оны аравдугаар сарын дельта давлагааны үеэр манай улс ард, иргэдээ вакцины 1-2 дугаар тунд хамруулж амжаагүй байсан бол хэцүүдэх байсан" гэв.
Мөн тэрбээр "Ковидын вирус цус бүлэгнэлийг идэвхжүүлдэг. Ковидын халдвар эдгэрсний дараа ч бүлэгнэлийн өөрчлөлтүүд ажиглагдаж байгаа. Энэ бүлэглэл 4 сар гаруйн хугацаанд үргэлжилж байна. Тиймээс цус шингэлэх зайлшгүй шаардлагатай. Гэхдээ эмнэлэгт, эмчид хандаж үзүүлж, цусны түвшнээ тогтоолгож байж эмчилгээ эхлүүлэх хэрэгтэй. Цусны урсгал удаашрах нь эд эрхтэн тэжээлийн дутагдал оруулдаг" гэдгийг онцоллоо.
Харин АШУҮИС-ийн Сувилахуйн сургуулийн Бие бялдар судлалын тэнхимийн багш, Анагаах ухааны магистр С.Булганчимэг "Хурдхан шиг тусаад эдгэрье", "Нэг өвдсөн нь дээр" гэдэг маш өрөөсгөл ойлголт. Өвдөхгүй л байвал сайн. Хөнгөн, хүнд янз бүрийн байдлаар өвдсөн ч эрхтэн тогтолцооны гэмтэл гээд олон хүчин зүйл хүний биед үлдэж байгаа" гэдгийг сануулав.